Vailamtah cung i Jesuh Khrih Chimbia Pakhat
Luke 23:34
Vailamtah cung i Khrih an khenh chih ni cu Jesrusalem țah ni a si. Cu ni ahcun um ve law cu mu khuaruahhar raapthlak a si na ti ve ko hnga. Minung pathum an thah hna ni a si. Cu hna lak i pakhat cu thla a cam ti kan hmuh.Vailamtah cung u khenh mi nih thla a cam ti hi cu a um bal lo mi a si. A ho paoh harsatnak kan ton caan ahcun Pathian kan beisei cio, cuxu a dik mi a si ko. Cu harsatnak in kan luat khawh nakhnga thlacam in Pathian kan auh cio.Thil zeizong vialte nakin khuaruahhar a si mi cu Vailamtah cung i thka a cam tu pa nih cun a mah hrangah thla a cam lo ti hi a si. Midang hrangah a si. Thil khuaruahhar taktak a si. Amah that tu pawl hrang lawng hmanh si lo in misual kan zapite hrangah a si. A dam chung caan cu thlacam nak in a dih. Pathian fapa hmanh nih Pa sinah hi tluk in thla a cam ahcun kan nih cu thlacam loin um sawhsawh ding hi kan si lo. Thla fakpiin kan cam lawngah kan Thlarau nun a fek kho lai. Jesuh vailamtah nak cung i an thlai lio ah ai hram lo le nganfah tuar in thla a cam. Matt. 5 ui tlangcung cawnpiaknak ah khan Jesuh nih kan ral dwt ding lean sualnak voi sawmsarih le voi sarih ngaithiam hna uh tiah a kan ti. Kan sual nak thianhpiak dingin Vailamtahnak cungah thih nak a rak tuar lio ah"ngaihthiamnak" aw kam hi A rak chim mi a si. An duh paoh in an serhsat, A zultu pawl nih an zam tak dih. Kan sualnak nih A phur a rihter. Hi a tuar nak hi zei he hmanh tahchunh khawh a si lo. Cross cung i nganfah nak a tuar lio ah "ka pa an sual ngaithiam hna zei kan tuah ti an theilo" tiah thla a cam. An hremnak le an serhsatnak, a kut le ke thir in an khenh, an hremnak vial te kha teirul cham dingin ai tim lo. Kan nih cu kan xhuah pi unau nih kan thin a nuamh lo ter, a fahter ahcun Kum tampi a liam cia mi hmanh khi kan philh lo hlei ah a tuah man pek kan i tim peng a si lo maw? Kan i dang taktaksi. Jesuh nih a tuah bantuk in tuah ve ding hi a kan fial mi a si ti hi philh hna hlah usih.
Jeauh nih a duh mi ra uh tiah a ti. Nang teh sei tin? Jeauh nei lo tu cu hrem hmun hell ah an ka ti hi hor nak men a si lo. Khrih nih Pathian sinah "Ka Paan sual ngaithiam hna" tiin a kan nawl piak cang, zungzal nun kan co khawhnak hnga hi lam pakhat lawng hi a um. Khrih nih thla a cam tik ah vailamtahnak cung i thi lo dingin le hrem a tuar lonak hnga thla a cam lo. Sual fa nang le kei hrangah thla a cam.Ame. Nagaihthiam kan si a duh. Kum thawnghnih leng a liam cang mi Jesuh Khrih thlacam nak cu tuchun ni tiang a thil ti khawhnak a reh lo. Kan hrangah dawtnak he thla a cam tu Jesuh Khrih na cohlang maw? Na nei cang maw?Dr. Robert Lindsted, The power of the Cross.
