LAIMI pa sa a kah. Athin phang in a thli tein inn ah a tlung. Ka sa kah mi nih an theih sual lai a ti. A meithal hmanh a aw chuak lo in puak sehlaw aduh. Inn ah a sa a can i a ruh a tan ngam lo, inn pa nih an ka theih sual lai ti a phang. A sa mi cawih hleh sian lo tuk ah a lungre ai theih. A sa zuar i phaisa ngahnak ding lawng a ruat. Mah hrang lawng hlawk duhLaimi kan tam tuk cang,kan pi le pu tuanbia kan tlau ter deng cang. Mah hlawknak ca lawngah hruaitu a țuan mi karh chin lengmang asi caah mipi kan lung a fim a herh hringhran. Pathian he ai hlat deuhdeuh mi kan miphun hi a tlaknak a sang tuk sual lai, kan lung i fim in Pathian neih cang hna usih. Nifatin kan nun ningin kan thawk lai. Pathian țihzah nak tel loin nun hi ai dawh kho lo a miltlor kho hrim lo. Pathian țih zah hi kan khuatlang nuamh ter tu asi. Sakah zong i thinphan, kan Lai phung ah sa an kah ahcun an i nuam i heh tiah an lawmh, kan pupa hna Pathian theih hlan piin an tuah mi thil țha paoh cu kan hlonh dih cang ko hna dah ka ti, asinain hlonh awk cem a si mi zuudin sa ei cu kan i tlaih peng rih mi hi i fiang cang hna usih. I zoh țhan a cu cang.
