Khuasik caan ah ei ding mi...

Khuasik caan ah ei ding mi tirawl
Ai thleng lengmang mi khua caan lak ah a tu hi khuasik caan kan phan cang. Kum chira te ti awk in Myanmar ram chung ah January, February hrawng ah a kih kan tuar khun. Khuasik ruang ah voidang nakin thikal ning cang zong a rem kho lo i zawtnak țha lo lephet, lung thari pit tbk a phunphun tong an tam. Ahleicein zawtkhamthisen der mi hngakchia le kum upa putar,pitar hna nih an tuar ca ah lum tein um a herh i takkhawlh tik zong ah tilumsa te hmang kho usihlaw a țha. Kan hrial ding mi pakhat cu zingka tuan tein thawh i lamlen a si, kan len ding ahcun nichuahhnu 7am le 8am karlak hrawng hi si kho sehlaw ațha cem. Rawlkan ei mi tiang in a lumsa te ei ah a țha bik. Cun eidin ding tirawl zong hi a biapi tuk mi an si. Khuasik caan cumpi, hnarpit, khuh tbk pawl kham kho tu eidin kan ei ding hi a biapi tuk mi a si. Khuasik caan ah eidin ding hna cu a tang lei bantuk hi an si...
1. Khachuanrang, Vankhawngrang, Daidim
Khachuanrang hi ei dih hnu ah kaa rim a nam tuk tiah mitampi nihcun an ei duh tawn lo. Ngandamnak mit in zoh ahcun khachuanrang ah ai tel mi antiviral timi kikylaih a chuah ter tu rungrul pawl rak do tu, rak kham tu a um ca ah rawl ei chiar tein pumkhat tal ei chih ding a si.

2. Cawhnukthur (Kawl in Di.gchin)
Cawhnukthur hi zingka rawl ei dih hnu ah hrai khat  in din ah a țha. Amah ah aitel mi probiotics timi nih taksapum ca ah a țha mi rungrul pawl a țhawn ter ca ah khuasik nih a chuahpi mi zawtnak phun țhalo vialte a kham tu a si.

3. Huut hang
Huuthang kong an chim ah hin Arsa huut hi a min chum in an langhter deuh rua ka ti. A țha hrimhrim ko. Khusik nih a chuahpi mi zawtnak țhalo vialte hi Arsa huut hang dinnak in a dam kho lo mi an um lo; cucaah Mifimthiam pawl nih Inn Sibawi tiah min an sak. Cu lawng hman siloin thazang a țhawn ter zawtkhamthisen ca ah bawmtu țhabik a si.

4. Kawl in Hinnuhnuai an timi
Thiamsang hna nih sii caah a țha tuk an timi super food ti tiang in an timi cu Hinnuhnuai a si. Amah ah a um mi floric acid nih pumchung cell pawl a remh hna ti a si. Cu hnu ah Vitamin C tampi ngeitu a si caah khuasik nih a chuahpi mi zawtnak pawl vialte zong khamtu thisen caah bawmtu țhabik a si.

5.Kawpipar hring
Kawpilak ah taksa ngandamnak caah a țha khun mi cu Kawpiparhring hi a si. Kan phum chung ah a um mi tuur țhalo vialte thianhtu a si hlei ah kiktlaih, taksat tbk pawl rak kham tu a si.

6. Dawnzuuk(watermelon)
Dawnzuuk hi a hang tam in a kih fawn ca ah khuasik caan ahcun ei ding ah mitampi nih an rem lemlo. Dawnzuuk nih thisen a țhawn ter ca ah țhal, fur, khuasik ti um loin ei ding mi a si. Amah ah aitrl mi vitamin pawl nih takpum ca ah a biapi ngai mi lycopene cu a bawmh tikah khuasik nih a chuahpi mi zawtnak kham nak ca ah a țha hnem ngai mi a si.

7. Cengkol(Oyster)
A puitling cang mi minung pakhat nih nikhat c ah a herh mi zice cu hi Cengkol nih hin a pek khawh. Zawtnak phun kip kham kho tu zong a si fawn, zawtkhamthisen a țhawnter ca ah zeitik poh ah ei ding mi a si.

Ref; The mirror