Mitampi nih an chim tawn mi cu, zeitluk hmanh in dawnkhamtu
um hmanhsehlaw ka tuah lai ka ti mi cu ka tuah ko lai tiah an hlawknak ding ah
le an lungduh a tlin khawhnakhnga a si khawh chung in tuah an i tim tawn. An
ngeih dihlak chuah in an ttang.
Balaam cu innpa ram
siangpahrang nih a sunglawituk mi
laksawng kan pek lai a ti ruang ah, cu laksawng cu lak ding maw, lak lo ding
timi kong ah a buai i Pathian a hal (Num. 22). Pathian nihcun la hlah a rak ti,
cu tikah siangpahrang nih cun laksawng a ttha deuhdeuh mi pek a timh fawn. Lak
a duh tuk, asinain Pathian a hei hal rih, Pathian nihcun laksawng pek a timtu
siangpahrang sin ahcun kal a sian, sihmanhsehlaw Pathian a thin a hang cang,
cucaah vancungmi a thlah i lampi ah Balaam kham ding in, a nihnih cun a hmu lo
nain a kalauk ai cit mi nih cun a hmuh tikah, kal a duh ti lo. Cutikah Balaam
nihcun a kalauk cu hlawknak, ding laksawng co ding mi khamtu ah a ruah caah a
thinhang i akalauk cu fung a tuk.
Balaam tuanbia nih a ka cawnpiak duh mi cu, hmaileiin rak
kham tu pohpoh hi pah dih ding an rak si lo. A cheucu thil tthalo, hruh thil
kan tuah lo nak ding ah Pathian khamnak an rak si. Kan i tinhmi lamtluan ah
khamtu a um tikah Satan rianttuannak an si dih tiin puh khawh an si dih lo,
Pathian nih a kan kilvennak an rak si ziar kho ko. Bawipa Pathian cu kan
herhbik mi a si ti hmanh kan theihhngalh lo lio ah a kan kilvengtu a si.
0 comments:
Post a Comment