Thluak le Pum ngandamnak caah Eidin ding

Thluak le Pum ngandamnak caah Eidin ding 

A hleiin hngakchia caminpuai an ngei cang lai ti ahcun eidin tha pek a hau. Kan fale hna nih zeibantuk rawl dah an ei timi hi zoh lengmang a herh. Caminpuai lai hrim ah cun ruahnak zong a rethei i pum zong a rethei. Cucaah rawl ttha hi a herh tuk. Cawlcangh (activitiy) hi ngeih ding a si.

Hngakchia nih caminpuai lai ah cun rawl hna ei loin an um tikah an pum a retheih i fawi tein an zaw kho. Kan thluak le kan pum hi thazaang kan pek lengmang a herh. Zeitindah kan thluak le kan pum cu thazaang kan pek lai? Rawl tha ei hi a si ko. Tha tein biangeih khawhnak ngeih ti bantuk, cinken khawhnak ngeih ti bantuk cun pumsa thanchonak ti bantuk hna hi vitamin tthattha einak in kan hmuh khawhmi hna an si.
Theih awk tete
Eidin tha: Kan tluak le kan pum virver tein a umter khotu le tha tein khuaruah khawhnak a kan petu cu rawl tha hna an si.
Ih caan: Suimilam 8 chung ih ding, mitkuh cim lo hi thluak a hnawmtamtu a si.
Lentecelhnak caan hi ngeih peng ding a si.
Pum chungin zawtnak ti bantuk a khaamtu hna cu Folic acid, vitamin C, vitamin B6, vitamin A, selenium, copper, vitamin E, zinc an si. Hi bantuk hna hi hman tein eiding kho u sihlaw kan pum hi a ngandam hnga i zawtnak le retheihnak zong nih zong fawi tein kan pum hi a tei kho hnga lo.
Ruahnak (mentality) le pumsa a thawntertu/ngantertu hna cu Iron, vitamin B2, vitamin B12, iodine an si.
Ruh a thawntertu hna cu Calcium, potassium, phosphorus, vitamin D an si hna. Globalchinnews.