Ecumenical & World Council of Churches(WCC)

Biahmaițhi

Khrihfabu min in huap in vuleicung cawlcanghnak tampi lak ah "Ecumenical" nak in lianngan le kau an um lo. Ecumenical nih a hrin mi tlai tampi lak aha nganbik mi cu World Council of Churches(WCC) hi a si. Ecumenical cawlcanghnak cu 1984 hnu cun WCC nihhin a takram ah a kalpi. Hi WCC tangah Khrihfabu, Bible sianginn, Mission rianțuan nak tbk tampi an um. Kan ram ah WCC hngețe a um cucu Myanmar Council of Churches(MCC) a si. MCC tangah kan ram Khrihfabu lianpipi 14 an lutcang.(Cf. http://mcc-mm.org/member-churches).

Kam ram dirhmun ah mipi tampi cu a hlei in khuate dirhmun ah kan duh le duh lo si lem loin, kan hotu pawl i kalpi nak i kal ve lhi a si tikah, kan umnak Khrihfabu nih zei dah a tuah, zei pawlhomh dah a peh tlaih, cu pawl komh cu zei bantuk dah a zulh mi a si, a kalpi mi a si ti theiloin kan um um sawhsawh kho men. Asinain zumtu diktaktak nih cun zei caah dah Khrihfabu, pawlkomh ah ka um, zei hmui tinh in dah kan um, zei tin dah kan kal, Bible bantuk in a si maw tihi thei ding hrimhrim kan si. Ecumenical le WCC hi Bible bantuk a si maw tihi kan zoh ding kan langhter lai. Thinsau tein rel dingah kan sawm, titl dangdang in kan langhter lai ruangah a thawk nak in na rel lo ah cun nai fiang sual lai loh.

Ecumenical

Mirang holh 'ecumenical' cu Greek holh 'oikoukene' ta lak mi a si, a sullam cu 'minung umnak vulei' ti a si. 1910 kum Edinburg Conference ah dirhmi a si. Ecumenical hi Encyclopidia Britannica nih cun "Vuleicung huap Khrihfa lungrualnak a silo ah rianțuanți nak um kho dingin cawlcanghnak" tiin a hrilhfiah. Hi nak fiangdeuh in kan chim ah cun, khrihfa ai ti mi poahpoah, biaknak dik le dik lo a zei poah pawmtu thleidannak um loin, lungrual nak, pumkhat sinak, le rianțuanți nak kawl in cawlcanghnak khi a si. WCC hi 1948 hnu cun Ecumenical hruaitu bik ah a cang.

WCC chuahning

Faith and Order, Life and Order Conference nih Khrihfabu dangdang rianțuanți nak dingah WCC dirh ding in lunftlinnak an ne. Asinain 1939 ralpi II ruangah an rian cu hmasawt loin a um. Ral pi dihhnu August 23, 1948 kum Amsterdam ah vuleicung ram 44 in Khrihfabu 147 aiawh tu pawl tannak nei in WCC cu an dirh mi a si. Hi tan ahhin R.C cu sawm an si ve nain an i tello. Harsatnak phunphun lak ah tangka tampi dih in kum tampi timhtuah nak nei in dirhmi a si. A hleicin WCC ddirh kho dingin țan rak la tu pawlklmh pathum an um cu hna cu; Faith and Order movement, Life and Work movement le International Missionary Council an si. Kum 2012 hnu ah WCC nih ram 121 nak tam in chungtel khrihfabu 345 a nei, cu chungtel khrihfabu hna cu member in 500 million tluk an si.

(http://www.uikoumene.org/en/about.us/faq#how_many_member_churches_does_the_wcc_have_now_,accessed 8 August 2013).

Zumhnak pial pawl an si..an konglam theihnak caah ka van ttial mi a si...