Nikhat cu kum 7 mi, American midum, Tobias nih
ruahawk a herh ngai mi bia, thinhungpah in a ka hal. “Adam le Eve cu mingo an
si ah cun kei hi khawi ka in dah ka rat?”a ti. Cun keinih “ka fa Adam le Eve cu
mingo, minak, misen, an si ti kan theih tunglo” ka ti. A ka leh mi cu “Biakinn
chung Bible tuachan cauk le Caruk(Library) cauk pawl ah mingo in pei an
langhter khi” a ti. Ka thin cu a kekkua dih. Miphun niam deuh le nauta deuh mih
Pathian sersiam mi kan si lo tiin an ruah sual ding ka phang tuk.
Mivialte hi sersiamtu
Pathian ah hram kan bunhdih. Cucaah kan I khat dih. Paul nih Athen khua mi sinah
hitin a rak chim“minungpakhat chungin miphun vialte kha A ser hna”(Lamkaltu
17:26). Thisen phunkhat kan si. Carrell Bock nih Lankaltu cauk a hrilhfiah mi
ah “Athen pawl hrangah cun hi bia hi theihthiam harsa a si. Zei cahtiah an mah
tein miphun u ah ai ruat tu an si” a ti. Sihmanhsehlaw kan cithlah tu Adam le
Eve an si ruangah phun u deuh le phun nau deuh ti a um lo. Kan zapitein Pathian
muisam keng in sersiam kan ti. Anne Cetas
