Zaan khat ah Pastor pa cu Biakinn ah I khawm dingin a
kal lio ah mi fir pakhat pa nih meithal he a rak kham, na nunnak maw?, na
tangka bawm tiah a hrocer. Cu tikah a tangka bawm cu a hei pek, a rak zoh i Pastor a si a theih, ai thawh i mifir pa nih
cun Pastor na si kan theih, kal tiah a ti. A ruahlopiin mifir panih Pastor a si
a theih tikah hi pa hi Pathian a tihzah ti a hmuh tikah changreu a pek. Mifir
panih cun kai lawm rawl ulh can a si I ka ei lai lo a rak ti. Mifir pa cu
changreu ei lo in rawl ulh can ah thatein rawl a ul nain a firnak nih a nuncan
taktak a langhter. Phunthlukbia tialtu nih tuahnak cu kan nuncan hmuh tu a si a
ti. Mi pakhat nih Pathian mi ka si a ti ahcun a chimmi a dik maw dik lo kha a
tuahnak in langhter seh (Phungtlukbiak 20:11). Hi hi Jesuh Khrih chanlio I biaknak
hruaitu pawl hrang zongah a dik mi a si. Farasi pawl cu an nun sualnak he khat
buin biaknak hruaitu an si nak Jesuh nih a soi hna (Matt 23:13-36). A lenglei
um dan le holh nih cun mi a hlen khawh,
ziaza cu nuncandan biaceihtu asi. Hihi kan zate hrangah a si. Jesuh zultu kan
si bantuk in Amah kan dawtnak cu kan kaa lawng si loin kan nunnak le tuahnak in
langhter usih. Mavin William
