Thawngțha a rak karh ning tlawmpal te van zoh ta dingah ka duh.
Hi zong hi zumtu nih kan theih a herh ve ko tiah ka ruah.
Jesuh Khrih vancung a kai hnu ni hra nak ah Thiangthlarau hmang
in Khrihfabu cu dinh a si. Cutin Biakinn ah an i pum i Pathian an thangțhat. An
karh deuhdeuh tik ah zultu pawl rian bawm tu ding Thlarau in a khat mi pasarih an
thim hna i zultu pawl tu cu Thawngțha Biatak cu an chim cuahmah, an thim mi pawl
nih cun zumtu pawl an zohkhenh hna, a herh nak poah ah țuanvo an rak lak ve. Hi
hna lak i pakhat Stephen cu Judah pawl nih lungin an cheh i an thah, hi ri thawk
in zumtu hrem nak ai thawk țhan i cu ti cun Jerusalem khua i um cu a si kho ti lo
i hmundang ka dang ah an vai, hmun khat um kho ti lo in an i țhek dih hna. Asinain
cu ti i an i țhek nak hmun cio ah cun Thawngțha cu cak loin an chim an phuan i hmun
kip ah Thawngțha cu a karh deuhdeuh.
Kum zabu pakhat hrawng i Thawngțha a rak karh cem nak hmun cu
Asia minor ram pawl ah a si. Hi ram i Khrihfabu hi an țhang cak tuk. Biakam Thar
27 cauk tlawmpal cu hi ka Khrihfabu he peh tlai mi an si. Cun hi Asia minor thotho
ahhin Biakam Thar zeimawzat cu țial a si. Bithunia ram governor Pling nih Khrihfabu
țhancho ning hitihin Rom Emperor sinah ca kuat a rak țial "Upa, hngak chia
za tein hi Biaknak thar ahhin an lut dih milem biak nak hmun zong a țhing dih, hi
pawl hi a țhangcho deuhdeuh ding an lo" a ti.
Antioch khua i nichuahlei ummi Edessa khua cu an khua ning in
Khrihfa a lut hmasa bik pawl an si, Biakinn sak hmasa nak khua zong a si.
A.D180 hrawng ah Alexandria khua mi Pantaenus cu India a tlawng
i zumtu tlawmpal a rak hmuh hna, cu hna nih cun Thawngțha Matthai cauk hi an hawl
ngai mi a si tiah a rak ti.
Africa ram chung i Thawngțha a phak jmasa bik nak ram cu Izip
ram hi a si. Khrihfabu chan (Church History) țial tu Eusebius nih cun A.D 113 hrawngah
Izip ram i Thawngțha Bia chim hmasabik tu cu Marka a si tiin a țial. A.D180 hrawngah
Alexandria khua ah Pathian Bia cawnnak Theological School dirh a si. Bible sianginn
um hmasa pawl a si. Hremnak zong an tong tawn i Monastic thawh nak hmun zong a si.
Africa chak lei zongah hin kum zabu 2 hrawng ah Khrihfabu lian le țhawng an rak
um cang. Hi ram i Thawngțha rak keng tu Pheonician pawl an si tiah an zumh. A.D
180 hrawngah sarthih in a thi mi min an tar tik ah minung 8 cu Lațin min nei an
si, cu hna lak ah cun Pheonian ai tel ve. Hi ram ahhin Tertulian le Cyperian tepawl
an chuak. Cu tin tuchun ni tiang in Khrihfabu lianngan an dir rih nak hi a si.
Rome khua i Thawngțha keng tu hi a ho si an thei lo. Rom Emperor
Claudia nih Judah mi pawl Rom khua in a țhawl hna hlan hin Thawngțha cu rak phuan
a rak si cang. Kum zabu 3 ah cun Rom Khrihfabu cu a lian tuk cang. Italy thlanglei
ahhin Khrihfabu hi an rak tam deuh, Spain ram ah hin kum zabu 1 hrawngah Khrihfabu
an rak dirh cang tiah an zumh. France ram zongah Thawngțha hi a phan tuan ngai ve.
A.D 177 hrawngah Lyon le Vienna khua ah zumtu pawl an rak htem len hna. A.D 313
i Rom Emperor Constantine nihKhrihfa zalennak a pek in Europe ram hmun kip ahThawngțha
a karh cchin lengmang.
<a class="button
downloadbutton" href="YOUR
DOWNLOAD LINK HERE" rel="nofollow"
style="float: left;" target="_blank"><span
style="display:
inline-block;">Download</span></a>
