Mitampi kan nunnak ah
kan neih mi tlawmpalte he rianțuan
ding kaan hmai ah a phan in sawm nak kan tong tawn. Chawva neih mi nih a daih lo
caan, thazang der deuh caan, bawmtu um lo le tlinh lo mi rianțuan awk tampi nih kan nunnak ah rit taktak in a kan nenh
tawn. Hi bantuk in kan nunnak ah kan tuar khawh lo mi a tlun tikah phung thluk ah
a um bang in hi ti hin an chim tawn "Hramh Ro tlawmpal te Tlakrawh tampi."
Hi nihhin Israel pawl Egypt ram i sal dirhmun an si lio a hmuhsak
(Exod. 5:13). Israel mi pawl cu beidong le harsat nak he an nunnak a khat ko nain,
Pathian nih Moses hmang in bia a chim mi an ngai duh lo. Israel pawl nih a chimmi
cu ngai lo hmanh hna sehlaw Pathuan nih Moses cu Israel pawl hruaitu dingah a cawnpiak,
lam a hmuhsak. Pathian cu Israel pawl lei ah fak tein a țang, i an hrangah an mah theih lo in rian A țuan.
Caan tampi kan nunnak zongah Israel pawl bantuin beidong le vansang
au in kan um tawn ko lai. Muihnak a tluncaan hmanhah, luatnak a kan pe kho tu Pathian
a um ti thei in i hnem cio ding kan si(Saam 40:17). Kan mit nih hmu kholo hmanhsehlaw
kan caah lam a kan kawl piak zungzal. By... Jennifer Benson Schuldt
