Fa le Țuanvo
Efesa 6:1-3 "Ngakchia hna, nan nule nan pa bia ngai hna u, cucu khrihfa rian a si i ahmaanmi thil zong a si caah nan tuah awk a si. " "“Na nu le na pa upat hna,” ti hi nawlbia hmasa bik a si i, " "“cu ti na tuah ahcun na caah a țha lai i ram chungah saupi na nung lai,” tiah chap chih a si."
Kolose 3:20 "Ngakchia hna, Khrihfa nan si caah nan nu le nan pa kha upat hna u, cucu Pathian lawmhmi thil a si. "
Luka 18:20 "Nawlbia kha na hngalh ko țung hna: Va cung in siseh, nupi cung in siseh, sual hlah, lainawng hlah, fir hlah, lih chim hlah, na nu le na pa upat hna, ti pei an si kha,” tiah a ti. "
Deuteronomi 27:16 "“‘A pa siseh a nu siseh a upat lomi cu chiat seh,’ tiah an thanh lai. Cun mi vialte nih, ‘Amen’ an ti lai. "
Deuteronomi 5:16 "“‘ Bawipa na Pathian nawl an pek bangin na nu le na pa kha va upat hna, Bawipa na Pathian nih an pekmi ram chungah na chan a sau lai i nangmah caah a remrel lai. "
Phungthlukbia 6:20 "Ka fapa, na pa nawlbia kha zul hna law na nu cawnpiaknak kha hlaw hna hlah: "
Phungthlukbia 13:1 "Fapa fim nih cun a pa nih a chimhhrinnak kha a ngaih, Sihmanhsehlaw mi lungpuam nih cun ka palh tiah a ti bal lo. "
Phungthlukbia 1:10 "Ka fapa, misual mi nih an in lem ahcun, na hna tlakpi hna hlah. "
Phungthlukbia 15:5 "Mihrut nih a pa chimhhrinnak kha zei ah a rel lo, sihmanhsehlaw mawhchiatnak zei ah a relmi cu mifim a si. "
Phungthlukbia 23:15-16 Ka fapa mifim na si ahcun keimah zong ka lung aa lawm lai. Fimnak bia na chim kha ka theih tikah keimah zong ka rak i lawm ngaingai lai.
Phungthlukbia 20:11 Ngakchia hmanh nih a tuahmi a țhat le a din kha a tuahnak in amah lila nih a langhter ko.
Phungthlukbia 10:1 "Solomon phungthluk bia hna: Fapa fim nih a pa a lawmhter, sihmanhsehlaw fapa hrut cu a nu caah ngaihchiatnak a si. "
Phungthlukbia 23:24-26 Mițha mi hna an pa cu aa lawm ngaingai lai; fapa fim a hringmi pa cu a fapa hna cungah khan aa lawm lai. "Na nu le na pa cu lawmhter hna, nangmah an hringtu cu lawm tein um seh. " "Ka fapa, ka bia cu i chingchiah hna law ka nunning hi i zohchunh tuah. "
Phungthlukbia 28:7 "Phungbia a zulmi cu fapa fim a si, sihmanhsehlaw ei din leiah sumnak a ngei lomi hna hawikom a simi cu a pa caah ningzahnak a si. "
Phungthlukbia 8:32-33 "Atu cu ka fapale hna, ka bia ngai tuah u: Ka lam a zulmi cu lunglawmmi an si. " "Cawnpiaknak kha ngai u law fim tuah u, cun zeirello in um hlah u. "
Phungthlukbia 23:22 "Nangmah an hringtu na pa kha a bia va ngai, na nu kha a tar tikah va serhsat hlah. "
