Hehrew 5: 7 ah kan cawn khawh mi tlawmpal
- A hmasabik ah Hebru 5:7 hi rel
hmasa law, zei dah a ka cawnpiak ti ruat.
- Kei cu hi Bible cang ka rel
tik ah a ka cawnpiak tiah ka ruah mi cu " zeithil kong hmanh ah Pathian chimh
hmasa ding ti hi a si". A tanglei ah a kan cawnpiak mi tlawmpal zoh hna u sih...
a) Zing thawhka thlacam
b) Kan tuah dingmi Pathian sinah
hlanhnak neih hmasa
a) Zing thawhka Thlacam
. . Zaan ah kan it, kan i hngilh i zinglei ah tuantein
kan tho. Zaan ah kan it i, dam tein kan tho timi hi a biapi tuk mi a si. Hi caan
ahhin mitampi cu harsat nak a phunphun an tong ti hi philh hlah. Cucaah cun Pathian
sinah lawmhnak bia chim ding hrimhrim kan si. Dam tein thawh hi a sunglawi tuk mi
Pathian zangfahnak a si.
. . Chun
khuaceu ah rianțuan ding kan si ruangah, cu chunceu chung i kan um ning
ding cu Pathian sinah ap hmasa hna usih. Cucu kan hlawhtlinnak lam kan zawh hmasa
bik ding cu a si. Cucaah cun zingthawhka Thlacam cu a biapi tuk mi, zumtu ai ti
mi nih cun pelh lo tein kan tuah awk a si.
b) Kan tuah dingmi Pathian sinah
hlanhnak neih hmasa
. . Rian
kan tuan hlanah Pathian sin a Thlacam nak neih hmasa hi a bia tuk mi a si. Cu ti
Pathian țihzah buin kan sawm hmasa ah cun kan Thlacam nak ngaihpiak
kan si lai, kan hlawh a tling lai tinak a si cu, hlawhtlin na duh maw? Pathian chim
hmasa, bawmh hal hmasa.
- Jesuh Khrih kha Pathian sinah
bawmnak a hal hmasa ti kan hmu...
- Thawngțha chim hlan ah Thlacamnak nei hmasa usih...
Pathian sin Thla kan cam tik ah
Pathian cu lam hruaitu a si tiin Thla kan cam awk a si. Pathian rian hei fial bantuk
in Thlacam hlah usih. Hebrew 5:7 kan rel tikah kan hmuh mi cu Pathian țihzah nak he timi kan hmuh, Amah țih zah nak he Thlacam usih , Pathian a cawlcangh nak hnga.
Carel tu zeihlan cem ah Pathian chimh, sawm,hal hmasa hi a biapi tuk tihi philhhna
hlah usih. Hi Bible cang zoh in kan cawnkhawh mi hi, kan nunnak lam hmuhsak tu dingah
Pathian nih thlawchuah kan pek piak ko seh. Amen.
