Hruaitu chinchiahnak
Hruaitu cu mi riantu a si. Hruaitu nih cun a rian kha
țhatein a țuan khawh nak hnga ai zuam. Lam phunphun hawl in a hruaimi hrang țhatnak ding caah a thazang, a
caan a pek. Hruaitu cu minih rianh mi a si lo, mi rian tu a si
deuh. A hruaimi
pawl țha tein a hruai khawh nak hnga a rianh hmasa hna. Hruaitu tampi cu mah sungh/lioheu
ding hi kan duh lo, mah hlawh ding le a hmuh lei kam lawng kan duh. Hruaitu cu mi riantu a si caah a sunghmi thilri le chawva cu a um awk a si ko.
Hihi mitampi cu kan i fiang tawn lo. Kan Bawipa Jesuh Khrih kha hi vulei cung a
rat ah khan midang rian ding in pei a rat cu, mi nih rian țuan piak dingah a rat
țung lo.
Hruaitu cu midang riantu a si ruangah harsatnak a tong
ko lai. Mi dang kan rianh ahcun kan thadiit awk hrim a si ko, kan sungh awk hrim
zong a si ko. Zeicahtiah hruaitu cu miriantu pei a si fam cu. Tangdor tein mi rianh
cu hruaitu chunchiah nak a si. Minung hi kan tangdor deuhdeuh ah khin kan rak lian ngan deuhdeuh. Kan Bawipa
Jesuh Khrih nih a chim micu "a ho hmanh pakhatnak si a duh mi cu nan sal a
si awk a si"tiah a ti. Jesuh Khrih hi kan i zohchunh awk tlak umchun a si.
Anih cu mi rian tu a si ( marr. 20:27,28)
Pathian mifa hruaitu chinchiahnak cu nawlneihnak le
covo țha a si lo, tangdor tein miriantu khi a si deuh.
