Pathian pek mi kan hman ning
Lamkal tu Paul nih 1korin 12 ah Thlarau laksawng kan co mi hi Pathian sunlawinak ah kan hman nak hnga a kan cawnpiak " tu ah laksawng a phunphun a um, a sinain Thkarau pakhat sin in a si...Asinain hi rianțuan mi paopaoh cu Thlarau pakhat i tuah a si i, Amah duh ning mikip sinah a pek cio....Cuticun taksa ruangpi ah țhen khawh lo ding in, asinain cu taksa hngețek pawl cu pakhat le pakhat an i khat dih, a tenau hlei an um lo."
10eter4:10 ah Lamkaltu Peter nih Pathian zangfahnak rel cawk lo lak ah Pathian Bia kilkawi tu mițha si uh t8ah a kan forh. Pathian Bia kilkawitu kan si bantuk in A kan pek mi cungah zumhtlak kan si a herh. Khrih biaceih ni ah lawmhtlak kan si ding hi a biapi tuk.
Phaisa kan hman ning
Bible ca thianghlim nih cun Pathian nih thlawchuah a kan pek mi phaisa le kan kut chung i a um mi thilti khawhnak hi zeitindah kan jman awk a si ti hi voitam pi a kan chimh. 2korin 9:6-7 ah "Hihi philh hlah u: thlaici tlawmte a tuhmi nih cun theipar tlawmte a zun tawn, tampi a tuhmi nih cun tampi a zun tawn. " "Cucaah nanmahle nan lungthin nan i thlehning cio ah rak tho u, nan thawh tikah i ngaihchih bu le hnekchom in si hlah seh, lunglawm tein a thomi kha Pathian nih a dawt hna" tiin. Cu bantuk țhiamțhiam in 1 Timote 6:17-19 ah "Vawleicung thil i a rummi kha, nan i porhlawt awk a si lo, cun bochan awk a tlak lomi nan rumnak hi a bo zong nan i bochan awk a si lo, tiah na cawnpiak hna lai. Sihmanhsehlaw kan ca i a ṭha dingah zeizong vialte siang ngaiin a kan petu Pathian kha nan i bochan awk a si, tiah na chimh hna lai. " Ṭhatnak tuah le thil ṭha tuahnak i rum le nunsian le thil ṭhenh sian kha na chimh hna lai. Cu bantukin an tuahmi cu hmailei an hram fehnak ding ca i ro an i khon a si. Cun nunnak taktak a simi nunnak cu an hmuh khawh lai" tiin.
Suitangka tahchunhnak Luka 19:11-26 le Talent nei tu tahchunhnak Matt. 25:14-29 hi rak ruat ve hmanh, hi tahchunhnak pahnih nihhin kan phaisa, neihchiah vialte le kan talent co mi vialte hi Pathian ruanțuan nak ah zumhtlak tein hmang ding kan si zia a kan chimh.
Caan kan hman ning
Pathian nih caan a kan pek. Caan hi thilman fak taktak, cawk khawh lo mi a si. Caan hman thiam le thiam lo hi kan mah țuanvo a si. Salm 90:12 ah Moses cu thla a cam, Pathian minung kan caan a tawi zia kan theihter law kan fim deuh lai tiah a ti. Efesa 5:10 ah Paul nih kan caan, ni a țhat ti lo ruangah kan caan hmang thiam ding in a kan fial. Peter nih 1 Peter 1:17 "Pathian sin i thla nan cam tikah, amah cu kan Pa tiah nan kawh; amah nih cun mi vialte kha an tuahning cio ah duhdanh zeihmanh um loin bia a ceih hna. Cu Pathian cu a sin i thla nan cam tikah, kan Pa, tiin nan kawh ṭung ahcun, hi vawleicung nan nun lioah hin amah upat bu tein nan um awk a si "tiin a kan cawnpiak. kan caan hi Bawipa duh zawng tuahnak ah fim khur takin kan hman a si ahcun lawmman pek kan si hrim ko lai. Dr. Jacksin
