Pum Ngandamnak Hrang Biathli
Kan taksapum ngandam cu a ho poah nih kan duh cio mi a si. Kan
pum a ngandam khawh nak hnga ei le din zong hi a biapi tuk mi a si ve. Holh ka theih
tawn mi cu "ti lo zingkhat, rawl lo nisarih" ti hi a si. Kawlpawl zong
nih an hman ngai mi a si, a theih lo hi cu kan um ka zum lem loh, kan theih ning
zong ai khat lo kho , a sinain kan theih duh bik mi cu kan nunnak ah "Ti"
hi a biapi tuk ti hi a si ko. Ti hi jan pum ngandamnak hrangah a biapi tuk mi a
si. Ti duh ning poh in din ding a si lo, zawtnak a chuak kho, phunglam nei tein
din ding a si. A din ning cang kan thiam lo ruangah kan zaw tawn, cun kan ti din
mi a tlawm tuk ruangah zaw t khawh a si hawi. Kan taksa ah hma a chuak, kan hrawm
a fak, kan paw a țha lo, chungthlet zawtnak,a tu le khawi ka le khawi ka in dek
hma an rak chuak a caan ah khuaihli, a caan ah hmachia heiti khi a tam tuk ti din
lo ruang i a chuak mi țhat lo nak. Cu si ahcun hi țhat lo nak hin kan luat nak hnga
khah zoh hna u sih.. kan pum chungah Ti hi 60% in 70% tluk a um. Kan thi nih Ti
hi 92% a um a herh, kan taksa nih 75%, kan thluak nih 75% hi lawngah hin kan um
khua a nuam kho, lu fah zong a um lo.
Kan pum nih Ti a duh zat a neih ahcun kan pum hrangah țhat hnem
nak tam pi a chuah ter cu hna cu...
1. Mi a zan ter deuh ( low weight).
2. Taksa thau hnephnop kha tit ah a can ter i taksa a dawh ter.
3. Ruh cang fah, tha fah a reh ter.
4. Piang viver in mi a um ter.
5. Pum mih a herh lo mi hnawmtam a hlonh.
6. Lung zawtnak chuak kho mi a zawr ter deuh.
7. Rawl kan ei mi a nem ter i daikal a nuamh ter.
8. Zawtnak i chawnh a har ter.
9. Lu fah, lungmih a zawr ter.
10. Thinlung khua ruah a nuamh ter, piang virver in a um ter.
Tam pi a um rih ko a sinain kan langhter ti lailo..
A cungah phunglam nei tein Ti hi kan din awk a si tiah kan ti
cang. A siahcun zeitin dah kan din lai a tlangpi in țial a si lai.
1. Zing na thawh ka ah Ti hraihnih in ding, zeihmanh na tuah
hlan.
2. Rawl na ei hlan minutes 30 hrawng ah hrai 1 in ding, thi pound
a țumter.
3. Nai khawlh hlan ah hrai 1 hrawng in ding
4. Na ih hlan ah hrai 1 in ding, zawtnak țhalo a chuak kho mi
a kham
5. Nikhat ah Ti hi a tlawmbik hrai 8 in 12 tal ding, atam lei
cu a țha deuhdeuh
Chinchiah// Ti hi voikhat
ah tam pi dinnak in tlawm tete in a tu le tu din hi a țha deuh.
Hi ka ah Ti kan ti mi hi ti thlum(cold drink), beer, zuu ti pawl
an si lo, Ti sawhsawh khi a si.
Ti din ah na thathu hlah, hngakchia kha Ti tampi in din ter hna
hngakchia Ti ding lo tuk cu an hrangah a țha lo tuk, an taksa nih a theih colh.
Lentecelh caan ah tampi in dinding. Fapawi pawl ko nih Ti hi hawinak tam in, a let
li tal in dinding a si. Hi kaah a biapi tukmi bia thli pakhat a um, cucu Ti thah
din hi a si. Ti thah hi din awk țhacem mi a si. Aleng i an zuar mi khi a thiang
tiah an ti, a sinain a thiang lo zawng a um kho, a tamtuk lei, cucaah lung a hmui
kho bak lo, Ti thah din hi lung a hmui cem ko i a țha cem mi zawng a si.
