A ling ai let
Jesuh Khrih rianțuan dan ruah tik ah khuaruahhar tampi a um, ka
beidong, ka lu ka kheuh caan voi tampi a um. minung nun dan a cawnpiak mi ka
ruah ah ai linglet. Nitin nunnak lam zawh in kan hmuitinh kan phan tiah kan i
ruat, cu lio ah Jesuh nih lam țha deuh zawh dingah a
kan auh. Asinain ralrin awk cu Jesuh Khrih lam zawh cu tukforhnak a tam,
dodaltu an tam. Biadik lo bantuk lo bantuk a lo mi hi ruat hmanh nunnak hmuh
awk ah nunnak pek a hau ( Mark 8:35), hmuhnak dingah pek a hau ( Matt. 19:21),
a țap a hrammi cu lunglawm mi an si (Matt. 5:4), uk tu cu
rian tu a si (Luke 22:26), harsatnak nih tinhmi a nei.
Mitampi nih bia kan
theih mi cu Jesuh Khrih hi theihthiam har tuk ah kan ruah. Kan mah deuh hi
theihthiam harsa cu kan si, A kong kan theih ning ai linglet. Amah cu ai
linglet lo. Kan mah hi nu le pa nak in thilțha
thei deuh i ai ruat mi hngakchia bantuk kan si.
Khuaruah har awk a si lo, Bawipa nih hitin a kan chimh, "Bawipa
nih, Ka ruah ning cu nan ruah ning a si lo, ka thil ti ning zong nan thil ti
ning he an i khat lo" tiah a kan chimh. A hnok tuk mi kan thil ti ning
cungah i țhum loin, lam hmuhsak awk ah Amah(Pathian) hal deuh
hna u sih. by Joe. Stowell
