Rualrem tein
Banjo timi hri nga nei tum hi ka duh ngai. Asinain, hihi a tum a har ngaimi a si. Ahri panganak hi a dang chords tlawmpal he lawng remtein tum khawh a si. Music tum tu pawl nih an music thilri pawl kha rual tein an tum khawh. Drum, Piano tbk.. kha hmun khat ah an tum ți hna tuk ah awdawh taktak a chuak. Cubantuk in kan nih zumtu pawl zong pakhat le pakhat hmun khat te ah Pathian rianțuan kan duh ahcun, kan neih mi Thlarau laksawng dangdang cio hi rualrem tein kan hman thiam awk a si. Zumtu kan za tein Thlarau laksawng co tu kan si. Pathian fial mi rian kan țuan khawh nak hnga lungrual tein kan tuan ți a hau.
Peter nih a chim mi cu "Pathian laksawng kengtu ṭha bantukin Pathian sinin nan hmuhmi laksawng kha midang ca ṭhatnak ah hmang cio u." Na Thkarau laksawng cu zei dah a si, i ruat țhan law, zumtu dang he zeitluk in dah pehtlaih nak ah na hman timii zoh țhan. Kan co mi Thlarau laksawng dangdang cio hi rualrem tein kan hman ți hna ahcun zei tluk in dah Pathian min a sun lawi lai. Dennis Fisher.
