Jesuh hrangah zeitluk dah na tuar
Vuleicungah Jesuh Khrih ruangah harsatnak aphunphun a tuar tu pawl cu Vancung khua ah lawmman laksawng tampi an hmuh lai.Jesuh nih Matthai 5:11-12 ah "“Nannih cu ka zultu nan si ruangah mi nih an in nihsawh hna i an in hrem hna i lih a phunphun an in puh hna tikah, nan caah lunglawmh awk a va si dah!" "Nan lung i lawm u law nan thanuam ko u, zeicahtiah vancung khua ah laksawng tampi chiahpiak nan si ko. Cu bantuk cun pei nan hlan i a rak ummi profet hna kha an rak hrem hna cu,” tiah a ti."tiin bia a kan kamh. Harsat nak timi hi phun tam pi in tuar khawh a si. Vuakvelh, hrem lawng, thawngthlak lawng khi a si lo.
Rom Cakuat 8:18 "Atu caan i kan inmi temhinnak hi cu hmailei i kan sin i phuan a si te laimi sunparnak he cun tahchunh awk tlak ah ka rel lo" tiah Paul nih a ti. 2 Korin 4:17 "Cun harnak hmete caan tawite kan inmi nih hin, hi harnak nakin a let tampi in a ngan deuhmi zungzal sunparnak cu a kan pek lai. " Hi vuleicung kan tuar nak pawl hi hmailei ahcun kan sunparnak an si te lai caah harsatnak phunphun tuar kho ding in Thlacam nak he țan la cang hna usih.
Kan zumhnak le Thawngțhabia ruang i harsat kan tuarnak pawl hi Jesuh Khrih nih theih piak loin a kan um lai lo tihi fiang tein kan theih khawh mi a si.
