Thilțha kan tuah kan timi hi a kan hlengtu le sual,palh tertu, zam tertu an si tawn. Thilțha tuah cu a țha tuk ko. Zeitin dah cu tin kan chim khawh?Kan nunnak ah thilțha phun hnih a um, cu hna cu...
1. Kan Mah duhnak
2. Pathian duh nak tiin țhen hnih ah țhen khawh a si. Hi pahnih ahhin kan tuah mi a um, cun zeitin dah thilțha kan tuah timi cu hi hna pahnih ahhin ai țhum mi a si.
Minung a hohmanh a tlingdih mi, a țha mi kan um lo bantukin kan mah duh ning in thilțha kan tuah mi cu santlai lo an si dih ko. Thilțha tuah ka duh lo tinak a si hrimhrim lo. Mitampi cu thilțha kan tuah kan ti nain kan mah lungfahtertu le zunghzatlak nak ah an cang tawn. Moses nih a miphun Israel pa chanh nak ah Egypt pa a thah. Cucu a ho hmanh nih an thei lo tiah a ruah. These ramcar ah a zaam diam. A hnu ah Israel pa lilanih cun a phuan diam ko. Amh zaam ter ah a cang. A taktak ahcun amiphun a dawt tuk caah a si ko. Mah Miphun dawtcu a țha mi a si ko. Tu lio ah Moses bantuk in kan tuah mi thilțha kan ti mi hi kan mah zaamtertu ah an cang dih tawn. Asinain Moses nunnak kan zoh tik ah cu nih cun a miphun a dawtnak pakhat te hmanh a zor ter lo i Pathian nih Israel miphun hruaitu ropui ah a tuah. Kan nih zong thilțha kan tuah ruangah harsatnak tampi kan tong ko lai, a sinain cu nih thilțha tuah duh nak thinlung kan neih mi kha hrawk hrimhrim hlah seh. Cu kan neih awk lungthin, thilțha tuah duh nak cu kan thlau ahcun cucu hlennak fak tuk mi a si.
Kan fale nih maw, kan zohkhenh mi nih maw thilțha tuah in hmunkhat ah an um tawn.. fel ngaiin thilțha tuah hnseh ti kan duh mi zong kha an tuah ko.. a sinain kan zoh hna lo caanah thilțhalo le thil dangdang an rak tuah tawn... hihi daithlan awl ngai mi a si i kan i ralrin awk ah a biapi tuk mi a si fawn. Zoh lengmang an herh ko cu lo ahcun thilțha lo an tuah tikahcun kan fale lawng si loin nulepa tiangin a kan sualtertu, thangchiahtertu ah a cang kho mi a si.
Saul siangpahrangnih a mah lungin raithawinak a tuah tikah a sinak chut tu ah a cang ko. Zeicahtiah Pathian duh ning in thilțha, raithawinak a tuah lo ruangah a si ko. Thilțha tuah hi kan thiam awk a si cang, kan mah duhning lawngin minung le minung karlak hmanh ah a si kho lo, Pathian le minung kar lak ahcun a si khawh lam pakhat tehmanh a um lo. Cu caah thilțha hi zeitin dah kan tuah timi hi a biapituk mi a si. Kan i ralrin awk ngai zong a si fawn, thilțha a si ko tiah duhduh in tuah khawh a si lo, caan țha zong kha hmanh khawh a si lo.
Thilțha kan tuah mi nihhin, thilțha tuahduh nak lungthin kha karhter chin lengmang sehlaw, cu nihcun theiparțha a chuah ter lai. Kan i ralrin awk ah le thilțha tuah zia kan thiam a herh ning a tawinak in langhtwr mi te hi Pathian nih thlawchuah pe hram seh. Amen.
