Minunghi thil sual kan tuah ah siseh, mi nih an kan thangchiat tikah midang kan hua, kan ram hna lo. An cungah ruahnak țhalo kan nei tawn. A caan ahcun kan tuah hnga dingmi kan tuah lotikah le kan mah sining he ai kaih lomi kan tuah tikah, um tlawnlen ningcang kan thiam lo i kan ti sual tikah kan ning a zak i, zaan hmanh kan i hngilh kho lo. Kan thinlung ahhin a cam peng tawn. Sawlhphalhnak kan hawl zongahhin a rem kho hlei lo. Mitampi nihcun mihmai ah ningzak i um hi a har bik mi asi an ti. Ningzah tluk i har phundanghi a um lem lo. Cu kan ningzah nak nihcun kan mahah sau ngai a cam tawn. Cucu cam hlah seh tiin kal ter hi a har ngaimi thil asi. Acaanahcun kum tampi liam hnu hmanhah kan theihțhan i, michau cu kan ning a zak rih țhiamțhiam. Voikhat te ningzahnak kan tuah minih khin kan fa le chan tiangin an ning a zat kho, cu tlukcun a phundang mi asi.
Kan mah lawngnih ningzah hi kan theih khawh, midangnih rak ti lo zongin mah tein kan ning a zat kho. Voikhat cu Yagon Myanmar Post ah kan kal minung pali kan si. Cu ahcun thil a kua ve nu pakhat kan mah bantuk te khi asi ve, Hrai le eiding ai komhmi khi ai cawk i thlalanghrai chungum ei awk cu a ei dih cang.. a chiahsawh i hnawmngai khin a um, zoh chia ngai. Cucu keinih hlonh dingnak cun hrai hi a țha ngai e i lak ning ka ti i kai lak. An hnawm ka hlonh piak hna an i lawmtuk lai ka hei ti. Cun a rau lo cu nu cu a hong i kan kam ahcun a rak i hel len, thil a kawl mi a lo, a chim mi cu hi ka zawn i ka chiahmi ka hrai a tlau a ti ko, e heh... ka lau tuk cang. kai theihter lo, ka thingphang ka ning zat khah na hrai cu vanti ding le mi an tamtuk ka ning zak fawn, bag chungah ka senh hawi, mithil ka lak lo nak hi kum tampi a liam cang, zeitin dah mi thil kan rak fir ngam hnga a har tuk ning, thin a phang van ka thei hna sehlaw zei tluk in dah ka ningzahhnga ka ti, ka thlan a chuak dih i, pakhat deuh kha motor chungah va chia usih ka ti i kan va chiah, ka ningzah le thinphan cu a reh hlei lo, ka lak lio.kha a ka hmutu an um ko, ka ti i minung a um mi vialte kha a ka hmutu ah ka ruah hna i an ka nihsawh tuk la dah ti khi ka ruat i ka ningzah ka ceih lo ka chuak i motor cung ta cu ka va lak țhan, cun ka chiah a thli tein, ka thin phan cu a ret i ka ning zah cu tlawmpal a tang rih, ka chuak i,hrai neitu nu zong cu a um tilo, a ui tukmi a hrai cu hnawmhlawnhnak ah an hlawnh piak keimah ruangah.
Mitampi cu hi bantuk ningzahnak ruangah sau nawn khi cawlkho loin kan um tawn i kan caan tampi cu a lakin a liam tawn. Hi bantuk i um hi thilțha lo ngai asi tihi ka ruahnak ah a um caah, keimah hmuhton mi te van in cheuh ve hna ka duh. Ka ningzahnak hi a lianngan tuk i ka chim lailo, ka ningzak ti lawngin a za lo, kan thinlung khiaruahnak tiangin a hrawk i, khua hman țha tein ka ruat kho lo. Ka beidong, ruah lo le ruah lo ka ruat, leng ka chuak lo ka huam hrimhrim lo. Zeihmanh khi ka caah a țha hnem mi an um lo. A har fawn, um awk bak a țha lo, rawl zong ei khawh silo, zaan kai hngilh lo. Caan a dong colh ding ko khi a lo. Asinain hi zawn ahhin ka lung fim ngai, "aw an rak i awk khi an mawh tuk lemlo " tiah ka ruat, kei mah nih cun kai tim naisai lo ka țih tuk, asinain kha bantuk caan ahcun thil cangkho mi asi ti cu kai fiang. Zeithil hmanh nih mi a hnem kholo, kan ningzah a fah tuk tikah, cu pawl ningzahnak cu thil tampi ai cawh mi pawl asi. Ningzah pakhat te lawng asilo. Jesuh Khrih nih cun a kan dawt i a kan tlaihchan zungzal ko ti theih i zumh lawnghi thazang laknak umchun te cu asi. Zumtu tampi cu kan i hnemhnak hi Pathian biain asi tawn lo ruangah caan sau pi kan thawhkhawh tawn lo nak asi. Bible a zumtu nihcun kan i hnemhnak cu Pathian bia ahhin asi awk asi. Tu lio kan Laimi umnak hmun tampi ah Pathian bia chim le rel nakin cozah rian kong, lahkhah a tam le tam lo kong, anih cu a chung le tangka tampi a kuat hna tibantuk Pathian he a kan hlat tertu le lungdonghnak lawng a kan pe khotu kong lawng te kan i ceih cang. A lak ah Pathian min cu kan telh pah tawn. Pathian cu kan kal tak tawn, asinain kan i theilo. A ngaingai ahcun kan sualnak, kan ningzahnak a kan khuh piak kho tu cu Pathian lawng asi. Thlacam lengmang law na ningzahnak vialte a tlau dih ko lai, kei ka ningzah tik ah kai hnamhnak cu Pathian sin ngaithiamnak hal in le thazang thar hla in thlacam hi asi. Cu tluk i ka tuarnak le ka ningzahnak cu Pathian dawtnak ruangah an tlau dih. Pathian sin thlacam nak hi a țhabikcem cu asi. Hawidawt thil na ti sual tikah, na tuah lo tikah, na thiam lo tikah naning a zak, a lian deuhmi na tuah sual tikah fak deuhin naning a zak tawn maw? Rianțuan huam lo tiangin an tuah maw? Ningzahnak lawng silo ai cawhmi ningzahnak cu minung tampi nih an thihpi mi asi. Zeicah tiah Pathian sin ah thazangthar laknak cang an thiam lo ruangah asi. Hi thazang peknak pakhat te hi i cin ken law, zeibantuk harsatnak na ton hmanh thazang an pe tu asi lai tihi philh hrimhrim hlah.
