Zei ruangah dah Laimi pawl hi kan i vuakvelh hnga....
Kan ral țhat ruangah asi maw?
Kan ral țhat ruangah asi maw si lo tlawmpal in thluakruahnak in kan zoh tuah lai. Mi ralțha kan ti mi pawl hna cu vuakvelh a huam tukmi khi miralțha kan ti bal theng lo, misual kan ti deuh hna. Asinain kan i uanthlar tuk ah mi zei si lo deuh paoh nih cun mi ral țha, țih a neilo kan ti hna. Țih a neilo taktak maw, țha tein van zoh ahcun a rak nei ko. Mi nih an nihsawh sual la tiah a ral rak țha khi asi deuh tawn, kan uar hnaseh ka fak hna seh, tiin min lar duh ah kan ral a rak țha tawn. Hlanchan ahcun sa tampi a kap kho tu le vuakvelh cak mi khi mi ralțha an rak ti deuh ko hna..cu ruangah pei cah an uar nak asi fam cu. Miralțha kan timi pawl cu vuakvelh hmangi pawl an si ahcun kan mah pumpak zonghi fimnak zeite hmanh kan neilo tinak asi. Miphun dang cu kan țih ngai hna nain kan mah le mah cu kan i sii kan i rem lo. Kawl pawl nih kan ram hmanh ah um kho loin an kan tuah i, cu vial ahcun daitein kan um, an duh le an kan thlak, an duh le an kan thlai cucu kan i theih ter lo. Cu pawl a thei i ram le miphun caah tiin nunnak a pe tu pawl vial khi kan soi rih hna, kan bawm duh rih hna lo. Cucu mi ralțha an si hnga maw, nemman mah hngal lo deuh an si. Mah sining hmanh theilo tiang in hrut i zuu din i mi vuak ding lawng hawl, cu hmanh ah mah Laimi lawng ngamh, cu maw miralțha kan ti hna hnga mah hngallo taikuh fa uico an si tiah kan khua pitar nu nihcun a nun lio ah a rak ti mi an si. Lei cungah miral țha an timi hna cu chim hau loin theih dih asi ko. Kan i vuakvelh hi kan ralțhat ruangahcun asi hrimhrim lo, kan hruh tuk ruangah a rak si. Mi ral țha tihi tah fung tampi a um, kan nih cu Khrihfa kan si caah kan Bible nih zeitin dah ati, mi ralțha ati mi hna cu mi zeibantuk dah an si ti hi tahfung țha bik asi ko. Hi lei ahhin kal loin miphun dang he zohți in zei ruangah dah vuakvelh hi kan umnak hmun paoh ah kan i ken peng hnga tihi kan zoh deuh lai.
Kan kiang kap um Kawl pawl he zohți ah a țha lai
An nih Kawl cu mitampi miphun lianngaingai an si. I cutikah an thinlung hi a rak fim tuk a rak pi tuk. Mifim mithiam an tam. Minung pakhat hi a fimthiam khawh nak hnga a hngak chiat lio tein chimhhrin tu țha neih a herh tuk. An innchungkhar ah an rak i cawn piak tuk cang. Misual deuh le vuakvelh hmang mi Kawl an um, khi hna pawl nunnak zoh tikah inn hmanhah a um tuk lomi pawl lawng an rak si, cun inn chungtangah cawnpiak tu nu le pa țha an neih lo caah asi. Kan Laimi cu fa hi kan rak hrin sawhsawh hna, a nuam ai pat ti phunin hahaha. A cawnpiak cu chim hlah kan sik tuk ahhin a ral chia ko in kan tuah. Aruahnak hman lo tiangin kan tuah. Kan Laimi lak ah vuakvelh a hmang deuhmi pawl khi zoh hna hmanh uh an innchungtangah cawnpiak tu a nei lo mi an tam deuh. A pa maw a nu maw mifim asiko nain, fa le cawnpiak nak caan neilo nu le pa cu a fim bantuk cun zeitin a fa le cu an fim khawh lai, cawnpiak a hau. Kawl pawl hi zuu an ding ko a tam deuh cu an i sii in an vuak hi a um thenglo. Kan Laimi cu kan kaa a nam hin cun kan i ngiar colh hna i vuak lawng a tang ko. Tuchan hngakchia cawn piak ning ca an țial mi siseh an chim mi si hna seh zoh tikah kan nu le pa nih an rak kan hruai ning he cun ai dang i, cun hiti na ti lo ahcun hngakchia kha, cu bantuk kha bantuk ah an i chuah lai tiah an ti mi he cun i dannak an neilo. Zoh uh kan Laimi vuakvelh hmang pawl khi mi thluachuak taktak an um theng lo, Pathian lei ah dah an i mer lo ahcun, cu hmanh ahcun an hmuh awk asimi nakin tlawm an hmu. Cu caah nu le pa hi kan biapi tuk, kan fa le hi a hrinlawng hin a za lo tihi philh hna hlah u sih, can pek ngaingai an hau, ti sawhsawh in asi kho lo, biatak chuah in zohkhenh an hau. An țhat le an vel, hawi tluk an si ding cu kan duh ngai hna nain cu lamtluan ah kar an hlan khawh hnak hnga cawnpiak cu kan thiam lonakin kan huam lo, caan kan pek duh lo hi a tam deuh.
Pa le hi ramleng chuak deuh, ei hawl i vak deuh an si, fa le he nifatin a um mi nu pawl hi biapi deuh mi cu nan si. Pathian Bible nih cun fiang tein an rak theih i, nupi țha nih rual zapum tiah a rak țial. An biapit ning hi an i theih khawh nak hnga caah asi. Lairam ah kan fimthiam i mi kan canh khawh nak hnga caahcun khuakip ah kalin fa le zoh khenh ning cang, inn chungkhar kil khawi ningcang hi biatak chuah in training pek a herh. Hihi miphun pi țhancho khawhnak lampi cu asi. Cu nih cun kan Pathian min asunlawi ter lai. Cutikah theipar țha tampi a chuaklai, i vuakvelh te hna a te nau tuk mi thil ahhin kan buai ti lai lo. Kan i vuakvelh nihhin țhathnemnak a chuahpi lailo caah rawhralnak lawng a tang lai, hi lawng silo thildang tampi ah kan thinlung tenau asinak tampi a langhnak aum ko, cu pawl vialte kan doh i kan tei khawhnak hnga, kan fa le cio in kan thawk a herh. Hi vial hin zarih seh a sau tuk sual lai. Carel tu na ruahnak comment in rak chim ve.
Kan ral țhat ruangah asi maw?
Kan ral țhat ruangah asi maw si lo tlawmpal in thluakruahnak in kan zoh tuah lai. Mi ralțha kan ti mi pawl hna cu vuakvelh a huam tukmi khi miralțha kan ti bal theng lo, misual kan ti deuh hna. Asinain kan i uanthlar tuk ah mi zei si lo deuh paoh nih cun mi ral țha, țih a neilo kan ti hna. Țih a neilo taktak maw, țha tein van zoh ahcun a rak nei ko. Mi nih an nihsawh sual la tiah a ral rak țha khi asi deuh tawn, kan uar hnaseh ka fak hna seh, tiin min lar duh ah kan ral a rak țha tawn. Hlanchan ahcun sa tampi a kap kho tu le vuakvelh cak mi khi mi ralțha an rak ti deuh ko hna..cu ruangah pei cah an uar nak asi fam cu. Miralțha kan timi pawl cu vuakvelh hmangi pawl an si ahcun kan mah pumpak zonghi fimnak zeite hmanh kan neilo tinak asi. Miphun dang cu kan țih ngai hna nain kan mah le mah cu kan i sii kan i rem lo. Kawl pawl nih kan ram hmanh ah um kho loin an kan tuah i, cu vial ahcun daitein kan um, an duh le an kan thlak, an duh le an kan thlai cucu kan i theih ter lo. Cu pawl a thei i ram le miphun caah tiin nunnak a pe tu pawl vial khi kan soi rih hna, kan bawm duh rih hna lo. Cucu mi ralțha an si hnga maw, nemman mah hngal lo deuh an si. Mah sining hmanh theilo tiang in hrut i zuu din i mi vuak ding lawng hawl, cu hmanh ah mah Laimi lawng ngamh, cu maw miralțha kan ti hna hnga mah hngallo taikuh fa uico an si tiah kan khua pitar nu nihcun a nun lio ah a rak ti mi an si. Lei cungah miral țha an timi hna cu chim hau loin theih dih asi ko. Kan i vuakvelh hi kan ralțhat ruangahcun asi hrimhrim lo, kan hruh tuk ruangah a rak si. Mi ral țha tihi tah fung tampi a um, kan nih cu Khrihfa kan si caah kan Bible nih zeitin dah ati, mi ralțha ati mi hna cu mi zeibantuk dah an si ti hi tahfung țha bik asi ko. Hi lei ahhin kal loin miphun dang he zohți in zei ruangah dah vuakvelh hi kan umnak hmun paoh ah kan i ken peng hnga tihi kan zoh deuh lai.
Kan kiang kap um Kawl pawl he zohți ah a țha lai
An nih Kawl cu mitampi miphun lianngaingai an si. I cutikah an thinlung hi a rak fim tuk a rak pi tuk. Mifim mithiam an tam. Minung pakhat hi a fimthiam khawh nak hnga a hngak chiat lio tein chimhhrin tu țha neih a herh tuk. An innchungkhar ah an rak i cawn piak tuk cang. Misual deuh le vuakvelh hmang mi Kawl an um, khi hna pawl nunnak zoh tikah inn hmanhah a um tuk lomi pawl lawng an rak si, cun inn chungtangah cawnpiak tu nu le pa țha an neih lo caah asi. Kan Laimi cu fa hi kan rak hrin sawhsawh hna, a nuam ai pat ti phunin hahaha. A cawnpiak cu chim hlah kan sik tuk ahhin a ral chia ko in kan tuah. Aruahnak hman lo tiangin kan tuah. Kan Laimi lak ah vuakvelh a hmang deuhmi pawl khi zoh hna hmanh uh an innchungtangah cawnpiak tu a nei lo mi an tam deuh. A pa maw a nu maw mifim asiko nain, fa le cawnpiak nak caan neilo nu le pa cu a fim bantuk cun zeitin a fa le cu an fim khawh lai, cawnpiak a hau. Kawl pawl hi zuu an ding ko a tam deuh cu an i sii in an vuak hi a um thenglo. Kan Laimi cu kan kaa a nam hin cun kan i ngiar colh hna i vuak lawng a tang ko. Tuchan hngakchia cawn piak ning ca an țial mi siseh an chim mi si hna seh zoh tikah kan nu le pa nih an rak kan hruai ning he cun ai dang i, cun hiti na ti lo ahcun hngakchia kha, cu bantuk kha bantuk ah an i chuah lai tiah an ti mi he cun i dannak an neilo. Zoh uh kan Laimi vuakvelh hmang pawl khi mi thluachuak taktak an um theng lo, Pathian lei ah dah an i mer lo ahcun, cu hmanh ahcun an hmuh awk asimi nakin tlawm an hmu. Cu caah nu le pa hi kan biapi tuk, kan fa le hi a hrinlawng hin a za lo tihi philh hna hlah u sih, can pek ngaingai an hau, ti sawhsawh in asi kho lo, biatak chuah in zohkhenh an hau. An țhat le an vel, hawi tluk an si ding cu kan duh ngai hna nain cu lamtluan ah kar an hlan khawh hnak hnga cawnpiak cu kan thiam lonakin kan huam lo, caan kan pek duh lo hi a tam deuh.
Pa le hi ramleng chuak deuh, ei hawl i vak deuh an si, fa le he nifatin a um mi nu pawl hi biapi deuh mi cu nan si. Pathian Bible nih cun fiang tein an rak theih i, nupi țha nih rual zapum tiah a rak țial. An biapit ning hi an i theih khawh nak hnga caah asi. Lairam ah kan fimthiam i mi kan canh khawh nak hnga caahcun khuakip ah kalin fa le zoh khenh ning cang, inn chungkhar kil khawi ningcang hi biatak chuah in training pek a herh. Hihi miphun pi țhancho khawhnak lampi cu asi. Cu nih cun kan Pathian min asunlawi ter lai. Cutikah theipar țha tampi a chuaklai, i vuakvelh te hna a te nau tuk mi thil ahhin kan buai ti lai lo. Kan i vuakvelh nihhin țhathnemnak a chuahpi lailo caah rawhralnak lawng a tang lai, hi lawng silo thildang tampi ah kan thinlung tenau asinak tampi a langhnak aum ko, cu pawl vialte kan doh i kan tei khawhnak hnga, kan fa le cio in kan thawk a herh. Hi vial hin zarih seh a sau tuk sual lai. Carel tu na ruahnak comment in rak chim ve.
