2Cor.1:9,19b; 2:11; 3:1; 4:8
Satan tei khawhnak lam hi tampi a um ko. Cu hna lak tulio kan Laimi dirhmun in mipi nih kan nunpi bik mi,kan hman ngai mi Satan rian țuannak asi țung mi tiin ka ruahmi Bible ca he zoh ți hna usih..Satan pa cu kut in thawangh khawh asilo tik ah le mit nih a hmuh lo tikah zeitin dah arianțuan ning asi ti theih hi kan tei khawhnak lam pakhat cu asi ve.
Satan kan tei khawhnak hnga kan nunnak ah kan herh ko hi zawnah kan tlakcham ruangah Satan pa nih a kan tei nak asi ko ti ka ruah mi pakhatnak cu..
(1) Mah le mah i bochan lo nakin
Hlanchan in tuchan tiangah mipi tampi nih kan uar ngai mi cu ka ti khawh, kei mah ruangah tihi asi. Hi hi cu kan i lunghmuih bik mi asi ko la dah ka ti. Mah le mah i bochan uh tihi tuchan i thazang peknak țhabik asi ti cu kan theih dih mi asi ko. Mah le mah i bochan loin ka ti tik ah chim duh mi aum. Kan chim cangbang in mitampi cu keimah nih ka tuah khawh, kei mah ruangah an hi dir hmun an phakkhawhnak asi ti hi kan duh ngai, a dik mi asi ko. Pathian thawngin na tuah khawh tak ko. Asinain harsat caan ahcun kei mah ruangah an harsa ti cu kan duh fawnlo, kei mah ruangah an tlaknak asi ti cu kan duh fawn țung loh.. ruah awk pakhat cu nangmah ruangah an harsat asi lo ahcun nangmah ruangah nun nuamhnak an hmuh ti cu asi kho hnga maw, ruah tlak ngai asi. Minung lei nih kha ti cu ti kan i ti awk asi lo, kan harsat zong cu Pathian duhdan asi kho ko. Pathian nih an mah i bochna loin Keimah hi ka bichan hna seh ti a duh ruangah asi ko. Paul le Timote kha harsatnak, an tong, thi dingin an i ruah tiang haraatnak an tong. 2Cor.1:9 ah "cu ti kan ton cu kan mah le mah kha i bochan loin, mithi a thawhtertu Pathian kha kan i bochan deuhnak hnga caah a rak si" ati. Cu ti i Pathian kan i bochan tikah Pathian asunglawi i cucu kan nunnak uk tu asi tik ah Satan pa kan tei khawhnak hriamhrei asi. Kan sifah harsat nak hi Satan tei nak ah kan hman khawhnak hnga, cu kan harsat nakcu Pathian siannak in asi ko ti hi philh hna hlah u sih. Job harsatnak a tuar mi kha Pathian siannak ruangah asi kha. Kei mah keo mah tiloin Amah Pathian kan zeizong asi mi kan i bochan ahcun cucu Satan pa kan tei nak ding lam asi.
(2) Pakhat le pakhat kan i ngaihthiamnak in
Korin khua zumtu pawl kha buainak an nei, an lak ah mițhalo pakhat aum. Cucu zumtu pawl ngaihchiat tertu asi ko nain a sualman dan an tat i anngaihthiam. Tuchan cu sualman dantat hi kan duh lo, kan sual taktak si. Ka hngakchiat lio ka hmuh tawn mi cu mi pakht nih thil a fir i a thil fir mi dihlak cu tling tein am chuh khawh țhan konain an hrem țhiamțhiam mi ka rak hmuh tawn, cu tikah ka ruah mi cu an thil cu tlingtein an hmuh ko ahcun cu tlukin hrem cu a herh ah ka ruat lo. An thil an hmuh loahcun hrem ding si ko ka rak ti tawn. I ngaithiam hi a țha ko ti khi kei ka ruah ning cu a si deuh. Tu ah kan lakah ngaihthiam hau mi an um maw? Kan ngaihthiam hna awk asi. Jesuh Khrih thawngin kan nih cu Pathian nih ngaihthiam mi kan si, kan nih cu kan innpa hmanh pei kan ngaihthiam khawh hna lo cu, a kan bawmkho tu lawng kan dawt hna i, midang biakhiahpiaknak in kan caan cu an liam tawn. Mother Terassa nih "midang biaceih hmang mi na si ahcun midang dawtnak caan na nei lailo a rak ti bal". Midang sualnak lawng kan hmuh tikah mi ngaithiamtu si cu thil har ngai asi. Cu caahcun hi cu ka ngaithiam kho lo ti kan neih hi cu kan nun kan i zohțhan hrimhrim a hau. Korin khrihfabu nih an ngaihthiam lawng si loin thazang rak pe uh tiah Paul nih bia a cah hna...zei cahtiah a lung a dong sual lai ati. Mi kan ngaihthiam lawng khi a za lo Thlarau lei ah thazang thar a lak khawh nak hnga thazang peknakin kan bawmh a hau. Cu ti pakhat le kaht kan i ngaihthiam nak thawngin kan lak i Satan rianțuannak cu kan tei khawh. 2 Korin 2:11 "cuti ka ngaihthiam cu Satan nih khan kan tei sual hlah seh ti ka duh caah a si, zeicahtiah Satan thil tining cu fiang tein kan hngalh ko. " tiah Paul nih a ti. Cu caah pakhat le pakhat kan i ngaithiam hi a sawhsawh asilo, kan ral Satan pa rianțuannak hrawt kho tu asi.
(3) Hnahchuahnak telloin
2 Korin 3:1 "Hiti kan ti tikah hin mah thangṭhat kan lo hoi hnga maw? Midang bantukin kannih zong nanmah ṭialpiakmi siseh, nanmah sin kuatmi siseh, thangṭhatnak ca i ken kan herh ve dahra? "
Tuucongtu na si, na tuu pawl nih kan ei mi hramh hi rak ei ve in ti hna sehlaw na thinhung in an sa hmanh na ei men hna hnga. Na fapa nih na fial mi poh kha ka pa nangmah va tuah ko in ti sehlaw na bengh men la dah, thil awl cu a si lo. Korin khua Khrihfabu cu Paul nih a tongh ngai hna, Zeicahtiah Paul cu thawngțha a chim tu hna thlarau lei ah an pa asi. Cucu pei Korin khua zumtu pawl nihcun an hnahchuah cu, amah nih a kuat mi hna cu pei a mah zongnih keng ve seh ti an duh cu, Paul nih ka caken mi cu nanmah pei nan si cu a ti, hi ca a țial tucu Khrih kha pei asi cu a ti..kan nih cu a phortu men pei kan si ko cu ati. Korin khua pawl nih nahchuahnak an neihmi hi țihnung tuk mi Satan rianțuannak asi. Hi thilcang bantuk hi tuchan kan Khrihfabu cio ahhin a um sual ahcun țihnung tuk mi asi lai. Cucaah Khrihfabu chungah siseh nifatin kan nunnak ah kan hruaitu pawl nih kan tuah mi hi tuah ve hnaseh, an kan chimh awk asilo an mah cu zeihlei dah ansi tiin kan ti awk asilo. Cu ti kan ruah ahcun kan palh cang. An nih cu a kan khaltu pei an si cu an kan chimh awk asi, an kan hruai awk asi. Kan nih cu an mah pei kan hruai hna cu, kan hnahchuah hna amah te pawl kan ti an sualnak kan kawl,cuticun zeitin dah kan țhancho khawh bal hnga. A kan hruaitu dingah Pathian nih a chiahmi hna kha kan va cuh hna awk asilo. An tangah i dor in an bia ngai ding kan si, cu lawngah pei Pathian min asunlawi khawh lai cu..cucu Satan tei cu asi ko.
2 Korin 3:5 Hi rian hi kan ṭțuan khawh vun i ti awkah kanmah ah hin zeihmanh i chim awk kan ngei lo. Kan ṭțuan khawhnak cu Pathian sinin a rami a si " tiah ati. A kan hruaitu hna hi an mah tein cun mi hruai kho an silo, minung an sinak in an tling kho lo, asinain a kan hruaitu an si khawhnak cu Pathian thawngin asi tihi philh hna hlah u sih.Nngakchia pakhat cu a pa aum lo nain a nu nih na pa nih an sik lai a duh lo mi asi a ti ahcun a țih i a tuah ngam lo, cubantukin Pathian ttihzah tu taktak nih Pathian tuah mi cu a duhduh in a ti ngam lai lo. Pathian nih kan zapi hrangah thluachuahnak kan pekpiak koseh. Amen.
