Zingthawhka thlacam
==========================================
Zumtu Pathian ai bochan tu nih cun thawhka ah thla kan cam awk asi. Tuchan kan mino tampi cu thla an cam lo. Kan fa nau le pawl an um dan hi Nu le pa pawl nih kan theih hrimhrim a herh. Hngakchia nihcun a nu le pa kha ai bochan tuk hna, zei paoh an tuah khawh ti tiang in ruahnak a nei, cu tik zei a tuah paoh ah ka nu ka pa hihi ka tuah cucu ka tuah lai tiin a chimh hna. Kan nih Pathian zeizong ti kho tu cu kan kaa in cun kan zumh, ti awk kan theihlo hnu ah khin a sin ah thla kan cam tawn. Zaan khuamui lak ah harsat buaibai nak a phunphun tong kho kan si, micheu cu an it i an tho kho tilo,micheu cu an ih kar ah an zaw, damlo nak a phunphun an tong cu lak ah kei cu Bawipa na ka dawt hringhran ruangah dam nak le nuamngai in na ka thawh ter i kai lawmtuk Bawipa tiin lawmhnak bia chim ding kan si, cu lawng silo chun ah zei kan canglai ti kan theih lo ruangah Amah sin ah bawmhnak hal in Bawipa tuchun kan tuah kan țuannak ah siseh kan țhut kan dir ah siseh lam ka hruai law, na min sunlawinak ding caah ka hmang ko tiin tawi tal in cun thla kan cam awk asi. Zeicahtiah kan nunnak hi Pathian kutchungah a um ti kan zumh bantuk in Amah kan i bochan ruangah asi.
