March 12, 2011 kum ah Japan ram nichuah Fukushima Nuclear dat fonhnak sehinnpi cu a puak. A ruang cu Japan nichuah lei kam rili tang ah a tha a țhawn tuk mi Lihninh a um ca ah Sunami tilet pawl cu Japan vawlei ahcun runglut in nuclear dat sehinnpi cu a rak puak. Hi tluk chiatnak nih a phak lio hna ahhin a tang bantukin thilcang mi a rak um.
Hi tuanbia te hi a tak in a tongtu Vietnam pa nih a țial mi a si. China ram news hna i cahmai ah hmun tambik a rak ngah tu zong a si. A chim mi cu "U le nau hna nan dam cio hna maw? Hi ka ahcun a liamcia thla chung ah khan harsatbuaibainak in kan khat ee. Ka mit kai chinh ahhin miruak lawnglawng, kai au zong ah mi ruak lawnglawng hi ka hmuh hna ee. Nikhat ahhin suimilam 20 chung rianțuan a si. Asinain tuni cu nikhat ahhin suimilam 48 hrawng um sehlaw ka duh ko.
Culawng ah pei midang ka bawmh khawh hnahnga cu. A tu ahhin Ti siseh, Mei siseh kan ngei lo e.. Riahcaw kan i phawt mi zong hi a dih dengmang cang. Miharsa pawl hmundang ah țhial ding timi nawlpek a um hlan ah heh tiah an umnak in kan thawn hna. A tu hi Fukushima ah ka um lio a si. Nuclear Sehinnpi in 25km hlatnak ah ka um. Harsat vansanglam in kan um lio ahhin..hi mi hna pakhat le khat an i chawnhbiak ning le an tuahsernak pawl hi ca tluan saupi in țial hi ka duh ko. Hi hna hi dai tein an um ko e..an tuahsernak le an sinak an awkam an țlkilvekhawh ning hi khuaruahhar an si. Cu ruangah a dir hmun hi a țhalo lei panh loin a um khawhnak a si.
Kan sikhawh chung in heh tiah ei bar ding hi kan bawmh ko hna e, cozah nih eidin he siai he vanlong in a thalk ko hna nain rilipi chung ah cite bawm khat paih sehlaw cu fang cu a si. Sihmansehlaw u le nau hna ka lungthin a la tu, ka thin a tur tertu thilcang pakhat te a um. Cucu Japan hngakchia kum 9 pa te nih kei mah bantuk kum upa pawl hi zei tin dah minung pakhat dir hmun in zei dah kan tuah lai, kan tuah awk a si timi a kan cawnpiak hi a si.
Nizaan ah khan Sianginn pakhat ah Rawlei ding a bawmtu hna va bawm ding in ka va kal. Rawlei ding lak awk ah minung cu an i tlar i rul sau pi ko khi an lo. Cu ahcun kum 9 tluk hrawng a simi hngakchia te ka hmuh e. Khuasik lak ahcun T shirt te he a um ko. Mitampi rul bang ai tlar mi hna hnubik ah khin le a um fawn i eiawk teh a co hnga maw ti hi ka ruah piak nak ah ka lungre a thei hringhran ko. Cu ti cun ka hei chawnh tik ah Lihninh lio ah khan sianginn ah a rak um i a pa nih Mawtaw in a mah don i a rak pah ah Tilet nih a khuh lio kha an singinn dot thumnakin a rak hmuh, na nu teh ka ti țhan i..kan inn hi rili ah a um ca ah ka nu le ka farnu te zong hi an nun ka zum lo tiah a ka leh cu kbuadang ka hawi i ka mitțheh hi a rang colh. Zei cahtiah ka mitthli tlak mifang nih ka hmu hna hlah seh ti ka duh ca ah a si. Cun a chungkhat pawl kong ka van hal țhan i a mithmai cu ngaihchiatnakin a khat i khuadang ai mer.
Ka zangfak i ka angki leng cu ka phawih i ka aih ter i ka ei ding mi rawl an kan phawt mi te cu ka kawh i khah ka nau ei ve, kei ka ei cang tiah ka ti. Akut in a van lak i ka hmaiahcun kun buin a ei colh țheu lai tiah ka ruah..a ei lo, a vakal riangmang i mitampi ca ah phawt ding mi rawl an chiah nak ah a va chiah diam ko..ka khuariah a har..ziah nangmah nih na ei ko lo tiah ka hal tik ah "kei mah nakin a țaam deuh tu an tampi, khi ka ah ka va chiah tik ah rawl ei ding rual tein kan i phaw kho lai tiah a ka leh..a thir in ka thir. Asangtuk mi thluachuah hrang ah ahartuar buin tein ti ruahnak dik theithiam tu kum 9 hngakchia pa tungding cu mipi cu a sangbik miphun, miburpi le a lianngan mi minung an si. Nan chung le cio ah damnak um ko seh tiah thlaza ka rak cam..ka rianțuan caan nih a cu cang hawi ai...Ha Minh Thanh (Amah hi Vietnam mi a si).Ref: The sun rays journal
0 comments:
Post a Comment