Pathian mifa hna nih ro an i vuih ning hi a țha in duh a nung tuk ee

Pathian mifa hna nih ro an i vuih ning hi a țha in duh a nung tuk ee.. Pathian thluachuah mi ro vuihnak hi ka herh hringhran ko. Fa le ro sunglawi vuih kho ding cun patling si hmasa ta a hau. Duh poh i nun hnu thih deng mang hrawng i fa le ro vuih nak in țha tein Pathian țih zah buin a nung tu pa nih a thih lai a fa le ro a vuih hna cu hmual a ngei deuh ko lai. Chim duh mi cu cu vantuk rovuihnak cu Pathuan nih a cohlan mi a si. Siangpahrang David nih a fapa Solomon ro a vuih tik ah Pathian nih a theih pi. A tu ah kum upa mino nu le pa a siding mi a sicang mi kan dih lak kan fale hi Pathian nih a cohlan mi ro vuih kho ding i zuam hna usih tiah kan forh duh hna. Atang hi Bible ca a si rak rel ve hrimhrim.

1 Siangpahrang 2:1-3 "David kha a thih caan nih a naih tikah a fapa Solomon cu ro a vuih i, " "“Vawlei cung vialte phung bangin ka kal dengmang ve cang. Ṭhawng law patling na si kha langhter tuah, " "cun zei na tuahmi paoh ah le khuazeilei paoh i naa mernak ah na hlawhtlin nakhnga, Moses phungbia chungah aa ṭial bangin Bawipa na Pathian bia beuhmi kha na zulh hna lai i amah lam kha na zulh hna lai i a nawlbia hna le a phungbia hna le a phunglam hna le a hngalhternak bia hna kha na ulh hna lai; "