Nifatin kan nun hi a baa kho ti hi kan theih dih mi a si. Voikhat cu kan i virvarh i kan tha a tlung i kan țhut to ning hi remh le thar chuah kan duh..țhanchonak ding khua kan ruat. Zumtu ni tin kan nun hi a cau tawn i kiangkap ah rak thar tertu hi kan herh tawn. Tch...Pa pakhat cu a zumtu nun ah a cau i Pathian bia le hla he cun ai hlat tuk cang..zei ti hmanh in Bible van rel le Pathian hla van ngaih zong hi a huam kho bak ti lo, nikhat cu chun ah um har in a hawipa he an to. A chawnh zong an i chawn lo a ruah mi cu Pathian bia tal rel ning law ti a si, asinain a tuah kho hrim lo..a tluknak a thuk cang kan ti la cu. A hawi pa nih cun ka ih hmu ku ka it lai tiah Pathian hla a chuah i a ngai ko,,anih zong cu mah kam hla chuah ti cu a hei ngaih ve ko. Pathian hla cu a țha in a hman tuk ti hi ai fiang. A tu i a um tu ning he cu Pathian ai lawm hnga maw? ti a ruat. A ruah nak tampi cu ai thleng i a cau tuk mi khuaruah nak hmanh a hman ti huaha lo mi a nun cu thazang thar la țhan in hi ca hi a nun in a tawn mi, midang thazang pe tu a si hmanh maw tiin a țial. Kha lio ah khan a hawi pa nih thil țha lo tuah sawm sehlaw kha tluk in a cau cang mi anun nih khan a duh men hnga. Pawngkam ah zei thil hmanh a hmuh mi kha a nun thazang pe tu an si kho lo. Asinain a hawipa hla chuah mi kha hrokhrol hla siloin Pathian nung hla a si ca ah a nun thazang a lak khawh țhan nak a si.
Hawile hna kan pawngkam hi abiapi tuk ee. Holh dang in chim ah cun kan um nak hmun hi a biapi tuk e..Phungthlukbia nih fim na duh cun mifim he vai kawm a ti mi hi a hman tuk e. Pathian mi si kan duh ahcun Pathian mi fa kawm hna u sih, zumtu tiksa mi, tlu si duh cun a tlu mi zumtu kawm hna usih..asiloah an kam ah maw, an mah he bia i ruah ți ding a si. Na duh thim nak a si. Kan hmuh theih mi hi zei dah an si i ralrin a cu cang..thil țhalo na hmuh theih cun na nun an hruai colh ve ko lai, thil țha na hmuh theih cun na nun an hruai tu a si țhiamțhiam ko lai. Na hmuh mi le na theih mi kha nun dan an cawn piak tu a si lo sual ah cun na ca ah țihnung a si. Boruak, thilsining a van her taktak hin cun pawngkam hi a bia pi tuk..mi nun cau tuk mi va țhang tu kan si ding zong hi a biapi tuk. Na awkam in voi zeizat dah thazang pek nak a chuah ti zoh in na nun apuitlin le tlin lo theih khawh a si. Cu ca ah midang thazang pek hna hi dai thlang hna hlah u sih. Mi ca ah pawngkam țha kan si kho lai. Mi pakhat a thader nak ding khua na ruah sual ahcun kha nu, pa ca ah khan pawngkam țha na si hrimhrim lo, ahnu ah cun nang mah tu kha an haut te lai. Kha na nifatin nun i ruat ding ah kan forh duh..mi ca ah pawngkam țha na si maw?
0 comments:
Post a Comment