US President pathumnak Thomas Jafferson (1801-1809)

US President pathumnak Thomas Jafferson (1801-1809)

Thomas Jafferson cu April 13, 1743, Virginia state ah a chuak. A pa hi cinthlak le vawlei bitkauh tah tu a si. A fa pa zong hi leiram kau ngaingai a roh ta. Tgomas Jafferson hi 6 pe le 2 zung sang a si. A sam a sen i a fim zong a fim. Cu ca ah Red Fix tiah an phuah. Micheu nih cun amah nak in mifim US president ah an um rih lo tiah a titu zong an um.

Amah hi lungțhawng tak mi a si. Apa nih kum 10a tlin ah hin ramveih a fial tawn i a mah tein ram lak ah vak in va maw sa tal a kah lo cun tlun a duh in a duh tawn lo hlei ah sakah zong hi a thiam pah rua. Violin tum hi a huam bik mi a si i nikhat ah suimillam pali chung tum ding in ai tim i a dang hleihnih cu ca cawnnak le a dang ah a hman tawn.

January 1772 kum ah Martha Wayless Skelton he an i um. Kum hra nak ah an nu nih cun a thih tak. Zangfak te a si ve. Mifim mithiam hna zong hi harsatnak an ton taktak hin cun zangfak tuk an si. An fimthiamnak nih hin a bawmh khawh ding hna ah kan ruat tawn. Asinain pakhat hmanh a bawm kho hna lo. Tuar zia thiam cu a har ko lai.

Miteima taktak a si i science lei hi a huam zawng a si. Rang i cit in Washington khuapi ah a vak i science lei kam dothlatnak a tuah tawn. President rian țha tein a țuan pah hin ca uk țha taktak a țial pah, cu cauk cu US nih tuchung ni tiang ah an i chawrbik mi pakhat a si ve. Amin cu "Decleration of Independence" timi a si.

Siance lei a huamnak ruang ah thilthar tampi hmuhthar mi a ngei cu hna cu..
-Swich Chair (țhutden her kho)
-Revolving Music chair
-Letter Copying Machine
-Pedometer(kekar zeizat ti theihhngalh khawhnak)
-Dumbwaiter(cabuai thial fawite a si mi a cung i raql an chiah i ei khawh colh pawl khi). Hi hna hi a tuah mi hna cu an si. President pakhat si buin hi thil hna hmuhchuah hi thil fawi cu a si brim lai lo. Mifim cu a rak si hrim ko. Dumbwaiter hna hi cu tuchung USA i restaurant poh hman mi a si. A kut neh hi tuchung nitian mithmuhkuttongh in USA nih ai țhathnem pi mi hrim hi faktlak a si nak a si.

1800 kum ah president ah thim a si i ram a dawtnak ke a kilvennak mipi nih an hmuh tik ah "Man of people" tiin le "Sage of the Montecello" ti tiang in an timi pa za a si. President a țuan kum ah hin mipi le cozah karlak zong ah remnak karhtertu a si. Cu kawng hlah an ram pi cu tamlakte a kauh ter. Napoleon Bornaparte, France ramuk tu sin in Lousiana cu dollar 15,000,000 in a cawk i an ram a kauh. Ram kau ter timi hi a sung lawi tuk mi a si. Khuahlan ah kan pipu hna nih an duh bik mi cu ram kau pi ngeih hi a rak si. Kan lairam zong ah  khuauk bawi cheuh khat nih an ram an kau ter i tuchun techinfa nih sunlawihnak pek a si,  a cheuh nih an ram a bit ter ca ah techinfa hna nih i lungsinak ngei kho loin um a si. Thomas nih ram kau pi a cawk tik ah tuchun US minung nih an i țhat hnem pi ngai mi a si.

Hi pa hi University president zong a si. Cu University cu a mah nih a dirh mi a si. Innsaknak ah design vialte zong a mah nih a suai dih i Italy ram innsak thiam nih an sak piak. 1825 ah cu university cu on nak an tuah. America Revolution kong hi a sianghngakchia hna sin ah chim a cim lo mi a si. Hi University lawng hi a sak mia si lo a dang inn tampi a sak rih hna. Amah umnak inn pi zong cu khuaruahhar tluk țha in a sak.

A nih hi ruahnak dang deuh ngei mi a si ve. Cu a ruahnak cu zingka arkhuang i tikik te he ke țawl hi a si. A ruang cu hi nih hin raibur hnarpih a kham tiin a ruah ca ah a si. A taktak ah a thihtiang in kiktlaih le hnarpih raibur tbk a ngei lo tiah an ti. Rawl ei kong ahhin cun țha tak in ei pawl a si ve. Asinaun i țemhnak lei hi cu a uar lo. Zuu hi a rem ngai rua White House i kum 8 a um chung ah a zuu man hi 11000dollars a si. Rawl a ei fate hrelh loin a din a duh tu a si.

Ram ca ahbiatak "n rianțuan a si bantuk in a thih tiang ah zei.hmanh ngeih mi a nei lo. Athih hnu ah a tupa Jafferson nih 40000dollars a lei ba a cham piak. Amah hi fa paruk a ngei.

America zalennak a hmuh kum 50 tlinnak July 4, 1826 kum ah a ram le a fale pawl siaherh ngai in a nunnak a liam.
Ref: internet