Khrih chung ah fek tein Țhut, Dir, le Kal

Hngakchia khi zoh hmanh hna u sih...a nun nak i a cawn hmasa cu zei tin dah țhutning si ti hi si, Khrihfa zumhnak in kan zoh si cun "țhut"-"sitting" timi nih a chimh duh mi cu Pathian dinhnak chung i luh, i khumh kan ti la cu, Jesuh cu Pathian vorhlei kam ah a țhu, a cungbik a sannak bik ah a țhu, zei ca tiah a cungi khinh mi rian a dih tik ah Pathian sin ah ai din. Pathian Bia"Bible"chung ah kan hmuh bangin, kan nih zong Jesuh Khrih he van hmun ah a kan țhut ter, cucu zei dah si tiah cun a taktak ah cun kan nih cu hmun hnih ah kan thu, kan pum cu vawlei ah hmuh khawh in kan um nain kan lungthin le kan nunnak tak cu Khrih he van hmun ah khin a um ko, cucu zei zong vialte hi Khrih nih kan caah a tuah khawh dih ko ti kan zumhnak thawng in a si.Kan nunnak ah hin pawngkam thil ai thleng cuah mah mi lak ah hin nuam lopiin le daihnak um loin kan um kho, cun pawngkam ah zei bantuk thil tlung hmanh seh daihnak in khah i hnangam tein um khawh zong a si. Ka thinlung ah zei tin dah pawngkam thil a cang timi hi zoh țhan ta hmanh sih, kan thinlunghi Pathian he a um peng si cun zei zong vial tehi a țha in kan pom khawh dih ko lai, Pathian sin i, i dinh hi khuaruahhar tuk a si. Pathian sin i kan i dinhthiam  hnu i kan tuah rih mi cu kan dir kho, thawng ngai in, cun kan ral kan tei khawh, cu vialte cu Khrih chungah a si dih. Cu Khrih thawng in le Khrih chung i kan um nak in kan tuah khawh mi cu nifa kan nunnak ah kan tuah a herh mi an si. Biakin kal hi a tha tuk nain kan inn kan lawi tik i Biakin i kan theih mi Pathian bia kan i nun pi țung lo cun zei pipa si lo dak aw, Biakin kan kal tik ah zei tin dah Pathian Bia in thazang ka lak lai i Pathian hi ka thangthat khawh deuh lai, Pathian sin in ka nunnak ah thazang ka hmu hrim hrim lai i a sunpar nak caah ka si lai ti i ruahchan lo cun zei dah țhahnem, cun Bia a thei tu si i tuahtu si țung lo cu mah le mah i hlen siko. Bible nih tlik zuam nak i a tli mi kan si a ti bang khan mitam pi nih khamh kan co i Pathian he tlik ții i thil lianngan tuah kan duh, nan zei tin dah thut dan ,dir dan le zei tin dah kan kal ding si ti kan thei tawn lo. Kan theih awk ah a herh tuk vemi cu mahhi thil "thil lianngan"pawl nih hin caan an herh ve dahkaw ti hi a si. Pathian he kan i pehtlaih nak in kan khualtlawn lam ah hin Biakin kal nak nih Khrihfa a kan si ter lo, Khrihfa kan si ruang tu ah Pathian thangthat dingah le Pathian bia theih le i nun pi ,thlarau lein thazang lak nak tuah a si. Cun Bible zong nih "kal" tihi a kan chimh, Zumhnak in kal, Dawtnak in kan kal, Jesuh kal ningin kan kal, Pathian lawmhter dingin kan kal(kan nung)Thesalon 4:1,Ceunak chung ah kan kal(1 John 1:7),Ephesians 5:15 ah zei tin dah kan nun,kan kal ti hi ralrin nak a kan chimh, Galatians 5:16 ah thlarau ah nun(walk in the spirit)a kan fial, "kal"kan timi hi i thial, hmai lei i kal khi si, kar khat hnu kar khat in, cu kar khat cio cu kan nunnak ah duhthimnak(choices )kan i thimmi an si."Pathian he kal ti "nih a sawh duhbik mi cu kan i thimmi,duhthim nak nawl kan ngeih mi in,Pathian duhnak tuah kha a si.Pathian nih hin a kan forh in hram hram loin a kan titer lo dak aw, nan a kan hmuh sak ,a kan hruai,a kan chimh(Amah ca nun ding kha)nan duhthim nak cun kan mah ah a kan pek. Pathian nih hin theih ter a kan duh micu zei ban tuk nun dah kan i thim i kan nun duh i kan nun ,duhthimnak (free will)a kan pek, nan a fale a dawtmi kan si ruang ah nundan tha le a mah ca nun hi kan caah a that ruang ah a kan chimh nak cu a Dawtnak ngan mi ruang ah a si.Bible chung ah mitam pi sal an rak si, Pathian he pehtlaih nak an hmuh hlan ah,(sal sinak fian ter nak:an bawi le nih luatnak an pek hna caan a phak ah an luat ko nan an mah duhthimnak an ngeih vemi cu sal sinak an i thim khawh than rih,an bawi kha bawitha,zumhtlak a si cun an bawi sinah an um kho rih). Rom 1:1 ah Paul nih kei cu Khrih temmi sal a ti tik ah forh chom in si lo, tuk , hrem  ding ah forh a silo, rawltam tuar in rawlulh ding ah forh a silo, nan a mah tein Khrih sal si kha ai thim, cu ban tuk in mitampi nih nun nuamh nak kal tak in le Khrih caah rian an tuan nak khi an mah duh thim tein si,Pathian bia an theih mi an um pi sawh lo, Pathian bia an theih mi an um pisawh lo, Pathian sin ah hnangam nak he an thu, i fek tein an dir (Zion tlang hninh khawh lo thail khawh lo ban tuk in)cun an theih mi cun dak aw zumhnak in kar an hlan cu. Kan duhthim nak in tampi duhthim nak kan tuah i,a "dongh" nak ah theipar tha kan hmuh mi cu duhthimnak tha le a hman mi kan tuah mi lila khan an si. Thil tha lo tuah hi duhthimnak in dak aw si cu ,duhthimnak hman lo in thil tha lo kan tuah i ziah,thei par tha cu kan i ruah chan ne. A caan caan ah cun thiltha kan tuah nain harnak hi aichap mi a lo men kolai, Daniel hawi le pathum kha zoh than hna sih,duhthimnak hman an tuah,Siangpahrang milem hmai ah kun an duh lo ,Siangpahrang pa nih mei lin kha alet sarih in an chap ,nain an nih nih cun an zumhnak ah fek tein an dir,cucu Pathian sinah zumhnak in hnangam tein an "Thut"nak kha a fian ter, zungzal nunnak vanram he hin vawlei kan nun caan hi cu tah chunh awk tlak lo ti hi philh hna hlah u sih.Zei kan tuah nak poh ah hin zei dang nak in zei tin dah kan kal ,kan nun tihi biapi chia hna u sih. Ho he dah na kal?Khrihfa nun zia hi nunning phundang(new life style)dak aw si. A caan caan ahcun midang zoh in mah tikhan na si awk,an si awk si kan ti nain nangmah kha zei tin na kal,na nun ti kha a biapi cem mi si.Zei tin kan nun awk, kan kal awk a si ti i kan duhthim nak ah hin ruat ve hmanh,nangmah an lawmh ter mi maw nai thim,Pathian lawmh ter ding a si mi duhthimnak dah?Hihi ruat hmanh u sih,nungak nih Pa he nupa an si hlan ah sex an tuah ah khin fa ka pawi lai tiah a ruat hnga maw?A fiang ko mi cu sex tuah ding in duhthimnak a tuah ah khan ka cungah hi bantuk cu a cang lai lo a ti caah a tuah nak cu a si hnga lo maw?Drug a hmang ,a tong mi hna khi an tuah hlan i tuah ding duhthimnak an tuah ah khin,mitam pi drug nih a suai cang mi kong thei loin an um hnga maw,nan theih ko buin dak aw ka cung ah hi bantuk a cang lai lo tiah an tuah ko cu,cu ca cun kan nih vial te zong duhthimnak kan tuah nak ah hin caan khat ca lawng si loin hmailei ca tu ah tuah u sih,vawlei cung nun lio ah hin zungzal nunnak caah duhthim nak tuah u sih.Cu duhthimnak a dik mi cu fek tein Khrih chung ah "thut","dir" le "kal" khawhnak thawng in kan tuah khawh ding mi an si.

Tialtu- Tiallianmang (facebook - Tial lian Mang)