Hruaitu țha, ruahnak țha

Hruaitu taktak nih cun biachahnak dik a tuaah, cu ruangah hruaitu nih a rian a thiam deuhdeuh ahcun, țha deuhdeuh in bia chah nak a tuah. Hruaitu a sinak a san deuhdeuh tik ah biachah nak san deuhdeuh tuah a hau i rangdeuh in le dik tak in bia chah a hau, cu caah hruaitu țha le hruaitu țhalo kan thlei dan khawh nak bia chah nak an tuah mi  si

- Hruaitu nih biachah nak a tuah mi țhat khawh nak hnga amah ruahnak hlei ah thim dingmi ruah nak petu ruahnak zong a hau ve.

- Biachah nak a tuah mi a țhat a chiat ah amah cung ah a tla ding a si ruangah biachah nak a tuah hlan ah midang sin zongin cawn dingmi ruahnak lak dingmi tam pi a nei ve.

- Hruaitu cu zeithil poah theihkhawhnak țhawn nak nei tu a si lo ruangah, a thei taktak tu le a thiam taktak pawl he um ți, i ruah ți lawngah a țhacem mi ruahnak, a phun a tlingmi le ai tlak cem mi biachah nak a tuah khawh lai.

- Hruaitu cu mah le naihniam chungkhar rual chan le hawițha pawl ah i țhum loin mah bak nih ruah ve, tuah ve,dothlat ve cun dothlat mi he pehtlai in midang zong ruahnak hal ngam tu a si a herh.

- Dawt nak,  zangfah nak nei buin tuahțuan,cuaithlai i chim a herh mi chim, i ruah ți a herh mi ruah ți lawngah kan Lairam chung um hmunkip hruaitu pawl nih biachah nak dik an tuah lai i kan ram an chanh khawh lai.