Pum ap kholoin dawnlhamtu pakhat cu phorhlawtnak hi a si. Kannih cu sersiammi kan si, zeizongvialte neitu kan si lo ti hi kan cohlang kho lo. Cucu tukforhnak hmasabik "Pathian na lo lai" timi kha a si. Cu nihcun kan lungthinah thilțhalo a semter. Zeizong uktu sinak cu thinlungah a cam. Hi zawnah mitampi cu kan sining kan i theiti lo. Jacob bang Pathian he kan i pai. Pathian bantuk sicu kan duh nain sikhawhnak lam a um fawn lo. A.W.Tozer nih "mitampi cu buainak, lungretheihnak an tonmi hna a donghrih lonak le an țhancho khawh lonak cu an minungsinak nih donghnak a phakrih lo caah asi" ati. Kannih cu a tu tiangin midang nawl vapek le Pathian he nawlneihnak i cuh cu kan hmang rih. Kan nihcun zeitik hmanhah Pathian cu cu kan tluk kho lailo, Amah tluk kan i zuam pengrih ahcun a nehhnu ahcun Satan ah kan i chuah lai.
Minung kan sinak hi kan thluak lawngin kan cohlan i kan ruahnak in cun kan cohlang kho lo. Kan duhningin thil a si lo tikah kan lungre a thei, kan thinhung i kan buai, cu ticun kan ruahnak cu Pathian tluk ahcun kan ruah pengrih. Micheu tu nih cun lungretheihnak tuar caan le hlawhtlin khawh lo caah siseh, nifatin nun ah hawinak in rum deuh, thiam deuh, thilti kho deuh si kan duh nain kan si kho lo. Cu tikah Pathian nih midang vialcu thiltikhawhnak nak a pek hna, kei cu a ka pe lo tiin nahchuahnak lungthin a chuak i mah sinak cungah lungtlin khawhlonak a chuahpi. Apeh um rih.
0 comments:
Post a Comment