Na nunnak ah na hmuhtonmi fimnak

 Pathian he nan umți tikah an hmuhsak mi hna cu na nunnak ah abiapi tukmi an si.  Pathian Bia na cawnnak ah na study nak ah na hmuhmi fimnak le nun an chimtu hna pawl kha abiapi tukmi an si. Buainakin, sualforhnakin le pakhat le pakhat ipehtlaihnakin na cawn khawhmi fimnak pawl kha a sunglawi tuk mi fimnak an si kha philh hlah. Ngaihchia a si mi pakhat cu kan mah ah maw, kan pawngkam ah maw thilcangmi thilsining zohin, a siloah thilsining chungin fimnak kan i lak, kan cawn khawh lo mi hi a si.

Hmuhtonmi chungin fimnak ai lak tu cu mifim a si. Midang tuarnak, hmuhtonmi in fimnak ai lak tu cu a fim deuhdeuh. Kan nunnakchung i harsat kan tuarnak lawngin cu fimnak tlingcawn hi a harsa tuk mi asi. Midang hmuhtonmi in siseh, mah hmuhtonmi in siseh fimnak rak i lak zia kan thiam a hau. Cu nak i fim cawnnak țha a um lo , a sungtuk mi a si. Bible nih "mifim nunchimtu i chimmi bia cu a ngaitu caahcun sui zungbunh le sui hlawnthil bantuk a si" a ti.

Na nunnak i na hmuhtonmi chungin a biapituk na ti mi hna kha van țial hna law ka duh. Cu hnu lawngah midang fimchimtu na si kho lai.  Solomon siangpahrang nih cun a hmuhtonmi chungin  a cawnmi fimnak pawl a țial, cu hna cu Proverbs cauk le Phungchimtu cauk an si. Na hmuhtonmi in fimnak nai lak mi hna cu hmangin midang caah fimchimtu na si kho, a sinain țhatein ruah loahcun hmuhtonmi chungin fimnak i lak cu thil awl a si lo. Na nunnak ah na hmuhtonmi fimnak hna kha cauk chungah țhatein khumh hna ti kan duh. Na khuaruahnak le naichinchiahnak cawlcanghtertu dingah biahalnak tlawmpal kan tarpiak...
1. Sunghzatlaknakin Pathian nih zeidah akan cawnpiak?
2. Chawva neihlonakin Pathian nih zei bantuk fimnak dah akan cawnpiak?
3. Zawtfahnak, ngaihchiatnak le lungretheihnakin  Pathian nih zeifimnak dah a kan chimh?
4. Hngahnakin Pathiannih zeidah a kan cawnpiak?
5. Kan innchungkhar, Khrihfabu, kan i telnak bu, le a kan soisel tu hna sinin zeidah kan cawn, zeibantuk fimnak dah kan i lak. Rick Warren