Cawlcangh tlawm ruang ah chinchiahnak thluak a tthalo kho
Exercise tuah tlawm, cawlcangh tlawm tuk, thlan chuak lo tuk
hi ngandamnak caah a rak tthalo. Kum upa ca ko ahhin a tthalo khun. Mi tampi cu
kum upa an si hnu ah cawlcanghnak an ngei huaha lo, cu tik ah damlonak a
phunphun nih a tlak tawn hna. Cun an thluak hrim zong nih a tuar lo i thil an
philh fawi. Cucaah kum upa si hnu ko ahhin um sawh lo in park ah maw, hmun
pakhat khat ah kal in thli thiang dawp, le cawlcanghnak tete tuah ah a ttha.
Hi chinchiahnak thlauk tlau hi ci le kor he zong ai pehtlai
mi cu a si pah. Cawlcanghnak a tlawm tikah kum upa deuh hin cun hi thluaktlau
zawtnak hi ngeih a fawite.
Vawleicung hmun kip ah chinchiahnak thluak a tthalo deuhdeuh
tu kan ti lai maw, chinchiahnak thlauk ttha a ngei lo tu hi 47.5millions tluk
an si tiah theih a si.
2030 kum ahcun hinak hin an tam deuh lai,74.6millions tluk
an si lai tiah an zumh.
Alzheimer timi zawtnak hi chinchiahnak thluak a tlau tertu a
si tiah ti mi a si, hi zawtnak a ngeitu 60% in 80% tluk hrawng hi chinchiahnak
thlauk tlau a tong mi an si.
US ram pumpi minung 5.4millions cu hi Alzheimer zawtnak a
ngeitu an si. Hi zawtnak hi ci in a ra deuh mi cu a si ko nain, cawlcanghnak a
ngei lo mi pitar le putar hna kum upa deuh hna ca zong ah chinchiahnak thlauk a
tlau tertu a si ve. Kum upa deuh nih hin cun zarhkhat ah minutes 150 tluk tal
hi a rit deuh mi, thachuah a hau deuh mi cawlcanghnak ngeih ah a ttha tiah US
ngandamnak lei nih lam(tuah ningcang) a chimh hna.
Tutan hlathlainak ah an hmuh mi cu kum 60 cung minung nih
hin nikhat ah suimilam 9 chung bak te cawlcang loin an um tiah an hmuh. Hi
bantuk in cawlcanghnak a ngei lo mi hna cu hi thlauk tlau zawtnak hi ci le kor
in hi zawtnak a ngei kho timi nak in cawlcanghnak a ngei lo mi nih an ngeih
khawh deuh. Ci le kor in ngeih khawh sihmanhsehlaw cawlcanghnak a ngei mi
caahcun ngeih khawhnak caan ttha a tlawm deuh tiah hlathlainak thar ah an hmuh.
Cawlcanghnak a tlawmtuk mi minung pakhat cu a thluak
rianttuan ning a hman kho lo tiah an hmuh rih.
Ref;7daydaily
0 comments:
Post a Comment