Mino hna sin ah biacah pakhat

Mino hna sin ah biacah pakhat

Mino hna nan sunlawi zia hi chim hau ah ka ruat lo. Zeibantuk minung dah nan si ti zong hi chim hau ah ka ruat lo. Na dir hmun kha chia tuk ko hmanhsehlaw biapi ah ka ruat lo. Na sinak kha sangtuk hmanhsehlaw biapi ah ka chia lo. Nai tinhmi cung ah zeitluk in dah teirialnak na ngeih timi hi a biapi tuk ah ka ruah mi a si. Cu ahcun na lungput a biapi tuk hringhrang. Pathian dawtmi fa na si kha i philh hlah. An dawtu Pathian dohkalhnak tel loin kar a hlang mi na si ding cu a biapi cem ko. Cucu na hrampi a si lai.

Hi ca a reltu mino vialte, na rel dih bak in na nu le pa sin ah va kal law, bia pakhat in va hal hna. Ka nu, ka pa, ka pi le pu zeidah nai chir mi a si? Zeiruang ah ? tiin. An in leh dingmi lak ah ai tel dingmi hna cu…Ca ka rak i zuam lo ruangah, nu le pa bia ka rak ngaih duh lo ruangah, mino ka si lio ah cucu khakha tuah ding caan ttha ka ngei ko nain ka rak tuah lo ruang ah, ka no lio in Pathian rian ah ka rak i pek lo ruang ah tiin…an rak tuah lo mi ruang ah ai chir mi lawng te an si ko lai. An  nih cu an caan a liam cang, khirh khawh sisehlaw an lungduh a tling men hnga, sihmanhsehlaw khirh khawh a si ti lo.

Mino hna caan ttha nan ngei rih hi….na upat tikah cucu khakha ka tuah lo ruang ah, kha ti k arak um lo ruang ah tiin ai chir mi na si nakhnga lo,, tuah khawhnak caan ttha na ngei rih. Ca ka rak i zuam lo tuk le a poi ko tiin nai chir nakhnga lo, ka nu le pa bia ka rak ngai duh lo ee tiin nai chir nak hnga, fel tein le thil ttha tuahnak caan rem ka ngei ko nain ka tuah manh lo tiin nai chir nakhnga lo..a tu thawk in tho law tuah kawh i zuam cang.

Mino na si..na khuaruah a tawi rih, na lung a rang fawn. Cucaah a har mi thil na hmai ah a um mi kha hrial khawh nai zuam men ko lai, sihmanhsehlaw hrial hna hlah…teikhawh i zuam. Ca na zohnak ah nai harh men lai..van teimak deuh zong a har tuk ko lai…sihmanhsehlaw hihi philhhlah, “vawleicung ah a fawimi a um lo” ti hi. Hihi i cinken peng law na harsat tik ah, ca zoh nai hartik ah sianginnkai hna a hartuk in na theih tikah,a siloah na tuah mi pakhatkhat a hartuk in na theih tikah aw…vawleicung ah a harlo mi a um lo timi nih na harsatnak teikhawhnak thazang an pek te lai. Mino hna tthawng chinlengmang ko u…VANVA