Dinfelnak in Uknak

 Dinfelnak in Uknak

Sihmanhsehlaw nan nih cun thimmi miphun, siangpahrang tlawngbawi miphun thiang, Pathian miphun hrimhrim nan si. Muihnak chung in Amah ceu na chung ah an ko tu hna Pathian nih khuaruahhar mi thil a tuah mi than hawk ah nannih cu an thimmi hna nan si (1Pet. 2:9)

Dinfelnak cu Pathian sinak a si I, cu sinak cu na pianthar le cangka na nunnak chung ah sanhpiak in a um. “ni khatkhat cu dinnak in ram a uktu siangpahrang a um te lai I a kut tang I rain a ttuanmi a bawi hna zong nih dinnak in mi kha an uk ve hna lai” tiah Isaiah 32:1 ah kan hmuh.

“mipa pakhat sualnak thawngin, cu mipa ruangah cun thihnak nih khan minung cu uk hram a hunt hawk hna. Sihmanhehlaw mipa pakhat Jesuh Khrih tuah mi chung in a chuakmi cu zeitluk in dah a ngandeuh! Mipa pakhat thawngin thihnak cu a um a si ahcun, Pathian velngeihnak duhdim le dinnak a laksawng a hmumi vialte hna cu mipa pakhat Jesuh Khrih thawngin thlarau nunnak a tthawng chinchinmi an ngei lai”tiah Rom Cakuat 5:17 ah a ti ve. Pathian nih siangpahrang ah a kan ser (Biat.1:6). Dinfelnak in a kan uk.

Ataktak ahcun hi vawlei midang hna bantuk in biachim ding le khua ruat ding na si ti lo. Ttihnak lungput le ruahnak na ngeih ding a si ti lo. Sunghzatlaknak le lungsonghnak pawl kha ruat ti hlah. Khrih ah midingfel na sinak I theihfiannak nih cun uktu dirhmun in biachim le lamkal nawl an pek lai. Zumtu cheukhat hna an thlacamnak na ngeih ahcun siangpahrang dirhmun he aa tlak lomi in thla ancam khan a theih lai. Hi bantuk in thla an cam (maw Bawipa, hi harnak chung in n aka chuah khawh nakhnga kutdawhpa bang zangfah kan nawl ko” tiin. Mah cucu midingfel pa nih a holh ding phun a si lo.

Pathian kha kutdawh hal in zeihmanh hal ti hlah. A bia ah a chim ningte in thlacam, cun Bawi Jesuh min in nawl pe. Khati khan midingmi hna siangpahrang le tlangbawi hna nih thlacam phung cu a si. “ka tuah lai, tiah na timi poh ah na hlawh a tling lai I na lam ah ceunak a tlang lai”(Job 22:28). Siangpahrang nih cun nawl pek buin mi a uk.

Khrih ah na ngeih mi nunzia le Pathian I a dingmi le siangpahrang, tlangbawi dirhmun ah khan nung law chanbau nak le sunghzatlaknak nun kha hlaw hna. Ralttha ngai in rumnak le hlawhtlinnak, damnak le tthanchonak hna kha nangmah le na dawtmi vialte hna caah phuangchuak law a tak in na hmuh hlanchung tuah ko.

Pastor, Anita.