Hawikomhnak hi Pathian rianttuannak caah a hmasa thil a si

Hawikomhnak hi Pathian rianttuannak caah a hmasa thil a si

Hawikomhnak ti tik ah tampi in le thuk piin kan zoh lai lo, David nun in zoh tuah hna usih. Pathian cu David sinah cun a um i a herhbikmi hawikom ttha bik cu a pek. Saul siangpahrang fapa Jonathan nih David cu a duhdawttuk i hawikom ttha taktak ah an i tlai, cu caah pei David nih siangpahrang nun zong a cawn khawhnak a si cu. Siangpahrang ruahnak cheutu le tlangchuak zong a si khawh nak kha a si.

Zeitindah hi tluk lawmmam in an i komh khawh hnga? Thlarua nun ziaza in David nih khan a thawk kha aw. Saul niih bia a hal tikah Goliath a thah khawhnak hi Pathian Thiang Thlarau thawng in a si tiah a leh tikah Saulnih cun zeiah a rel lemlo, sihmanhsehlaw Jonathan lung tu ahcun a lut tuk(1Samuel 18:1). Cu ticun David le Jonathan cu inn khat ah cun an tlongleng tti, hawikom ttha taktak an si khawh kha a si.

Jonathan cu siangpahrang fapa a si, a pa chawngtu ding a si. sihmanhsehlaw mipi tampi nih  “Saul nih a thong thong in a thah, David nih a sangsang in” tikah Saul nih cun David nih hin kan siangpahrang to nak hi a ka cuh te men lai tiah lunghrinhnak a ngei. Asinain  Jonathan le David kar lak ahcun zei lunghrinhnak hmanh a um lo, a thiang dih. Jesuh Khrih he kan i hawikomhnak ahhin hi bantuk hin a si ve. Lunghrinhnak zeihmanh a um lo, kan hlaw bal hna lailo tiah a kan ti. Siangpahrang fa mi komh in a kan komh i bawi lungthin thilthuam in a kan thuamh, biatak taisawm a kan sawmh i, buainak a chuah tik zong ah fek tein a kan ttem. Jesuh nihcun lamnai raltuknak caah vainam a Bia a kan pek i, lamhla raltuknak caah lamhla zong a kap kho tu Thlacamnak li le thal a kan pek. A peh a um rih…

Page 1 ah kal .....