CEYLON(Sri Lanka)
Ceylon le India hi ai neih te ko nain an i dang deuh. Hi ram ahhin
Hindu le Muslim tamnawn an um i Khrihfa cu an um lo. A tambik cu Buddhist an
si. An holh cu Sinhalese a si. Ceylon cu a tu ahcun "Srilanka" tiah
an ti. Ceylon ahhin kum zabu 16 hrawngah Khrihfa an rak lut cang rua
sihmanhsehlaw an hnu zulh ding pakhat hmanh a um lo.
Portuguese pawl nih hna (
1506-1656) in RC missionary pawl an ra, Khrihfa ah mi zeimawzat an tuah. Kum
(1658-1796) ah Dutch pawl nih an uk țhan hna, Dutch pawl zongnih missionary
țuan cu an peh. Kum (1796-1948) tiang British nih an uk țhan hawi hna, hi llio
ah cun missionary tampi an rak lut LMS(1804), Baptist(82), Methodist(1814),
CMS(1817) hi pawl hi an rak lut, cun American Board zong Tamil an tamnak Jaffna
lei ah an lut ve.
Missionary hna cu an rian țuan a țha ngai sianginn țhațha zong an
sak piak hna, asinain Buddhist pawl hi an si nak i thei in an i kilveng tuk ve
caah Khrihfa hi an karh kho bak loh. Asinain Pathian cu zeizong ti kho a si
ruangahhin missionary pawl rianțuan nak cu thlawchuah a pek i a tu ahcun
Srilanka ah Khrihfa ai ti mi hi 7.5 tluk an si.
