Chantiluan le Mino

Chantiluan le Mino

Mino hi rampi a dawhtertu an si. Miphun a cawisangtu an si. Mino hna fimthiamnak cu deirel arfi ceu bantuk a si.

Chantiluan dawi in nitin nun a hmangtu hna mino tampi hi kan Lairam nih aherh bik mi a si lai. Kan Lairam in mino tampi cu mi ramdang ah an vai, hihi a hrampi cu a ttha lem lo tiah ka hmuh ning a si. sihmanhsehlaw mino tampi nih chantiluan zulh in an nun khawh zong hi cawntlak fimchim tu pakhat a si ve. Mino tampi belte cu rawhralnak lam a panh mi zong an rak um ve.

Minung nih kan herh bikmi pakhat cu mahsinak theihfian hi a si ve, hi nun nih hin Pathian a lawmhter (zumtu kan si hnu ah). Kan Lai ram ah a tang mi hna kan dih lak cu hlaphuah thiam pakhat nih cun “micaw le kei bei” tiah a kan ti. Cucu Siangmensung nih a sak mi hla kha a si. Asinain lungfah ding a si lem lo, kan si taktak ko hlah maw, ti awk in kan um taktak. Kan ruahnak a bi tuk mi hi kan ral tthatnak a rak si. a poi taktak. Laimi khuate cheu khat cu karhzai deuhdeuh ti um loin ttumchuh deuhdeuh lei a panh, cu khuate ah a ummi mino hna thazangpek le cawnpiaknak tlawmpal van chimh bak ahcun an luat a chuak, an ruah khawh mi cu Bike in ke pawl nawn in le hmursen nawn in, nu zeiruaram lo he len vah khi a rak si. Hihi keimah bia lawng a si lo, a tong taktak tu nih a ka chimh mi a si.

Chantiluan kan dawi ning hi khuaruahhar taktak a si. Leng ah chuak in fimthiamnak va cawn zong kan huam ti lo. Chungkhat kuat chom in kan hna a ngam ko. Kan thil thuam zoh ahcun Pathian Thlarua in a khat mi bang,,a tleu in kan tleu i minung ngai kan lo, kan ruahnak ahcun zeihmanh a um lo.  Hihi maw chantiluan kan dawi ning cu a si hnga.

                Ram dang um mino tampi cu an coat angki lawng a ttha tiah an ti mi zong hi ruah awk ngai a si. Kan zatlang nun hi ruah ahcun ttihnung a si ko cang.

Kan hruaitu hna bia kan ngai lo, cucaah ca hmanh tthittha kan ngei lo, pakhat nih a ttial ning ai dang, pakhat zong nih a ttial ve, cu ti hrawng ah cun kan um hi a si , asang tuk ah kan hei i ruat, ca ttial ning ttha le cafang komh ning ttha le hnget hmanh a ngei rih lo mi nih khin fim tuk ah kan hei i ruat i,,Pathian lo in a nung kho bang khin khua kan sa. Kan peh tthan te lai…