Kan Laitlang ah a tam ve ko mi a hman zia kan thiam tuk lemlomi
rua le mau kung hna khi ka ruat tawn.
A caan ahcun Rakhine ram
hna khi ka hngar tawn hna zeicahtiah an ram khi rua le mau in a khat dih.
Asinain a hmanzia cu an thiam tuk lo..ruatuai ca bel ahcun an i țhathnem pi
taktak. Mizo pawl tu nihcun an ram ah a cin in an cin hna. Atu ahcun ti cawklo
an ngei...i ram dang mi an sawm hna i an ruamau an i hlawk pi nakhnga an
cawnpiak hna. A tu ahcun tampi an i țhat hnempi cang. Kan Laitlang teh ruamau caah
vawlei a țha lo maw sihnga...a um hnih khat te cu paiper le ngahringdawinak sei
taknak caahcun kan hman khawh ve ko.
Asinain hi hna pawl lawng hin a za lo. Rua le mau hmangin kutthiam
a ngeitu hi kan um huaha lo hlei ah a hohmanh nih thiam kan i timh lo mi a si.
Asinain mi ram cawlcangh nak zoh tik ah pumpak caah siseh, ram le miphun caah
siseh an i țhat hnem pi zia kan hmuh khawh.
Faar cu kan cin pah tawn ko nain rua le mau hi cu kan cing theng
ballo...hihi miram nihcun a cin in an cin chawm mi kan ram ahcun a mahtein
tampi a kheu mi rua le mau an si...a hmanzia thiam ve usihlaw ti saduh keimah
tein ka that ve tawn. Lairam cu thinkung ram kung tamnak hmun a si kan ti, kan
ram ah a tam tuk ve mi hmunphiah cu kan thah dih i miram nih an chuah mi
hmunphiah kan i cawk, ruah ahcun zangfak kan si ko.
Kan pu le pi chan in sei takin a ummi Laimi nih khuahlan in kan
rak thiam cangmi tuchunni tiang ah kan i țhanchopi khawh lo hlei ah lohtlau ter
kan timh hi cu khuahlan kan pu le pi hna thei hna sehlaw an lungawi hrimhrim lailo. Midang miphun
tuahcia mi lawng maw kan i rinh ko lai. Kan pi le pu chan in kan rak thiambikmi
dahkaw asi ti hi kan thinlung ah i chiah in a taktak in kan i țțhathnempi cio
nakhnga..saduhthah he..tampi kailawm.
