LAMDING HMUHSAKTU CABIA

LAMDING HMUHSAKTU CABIA

Nunnak hi a tawi, mino cu tlinlonak a ngei mi a si. a tu na nunnak caah thil pakhatkhat tuah kho ding in caan ttha tampi na ngei. Tuchun ah nai thim mi nih hmailei kum 10 chung ah zeitluk in dah ngaihchihnak na ngeih lai timi biathlehnak a tuah.  Vawlei cung mi hna nih ngaihchihnak an tonnak kong na rel tikah : an caan tthan a lak in an liam ter, man ngei tein an caan an hmang lo, ruathmasa lo in an tuah nak, a dih tiang an tuah lak lawh lo nak, hmailei caah a tthahnem mi rian an ttuan lo nak, um rih seh tiin tuah te ding ah an i chiahnak kong, ziaza ttha tein an rak um lo nak, kutthiam, thilthiam an ngeihsak lo nak, chungkhat, rianttuan hawi le he i remlo in an rak umnak kong tbk..lawng te an si.

Ngaihchihnak nih mi hi a dawp bak in a dawp tawn. Sihmanhsehlaw tu ni ah, a tu ah, nai thim mi he pehtlaiin hmailei caan ah nai ngaihchih lo nak ding ah tuah khawh mi na ngei. Na caan ttha zeitindah na hman?

Na duhdawttuk mi he na nun caan man ngei tein na hmankhawh lai, thinlung dihlak in an bia ngaih nakin, cun cauk in maw, mah te study tuahnak in nun man ngei tein na nung kho lai.

“zeizong te hi rem le ningcang tein a um hlan lo hngak hlah, zeitik hmanh ah a tling kho dih bal lai lo. Harsatnak, zuamcawhnak hna cu a tlingmi remcannak nakin a tam deuh peng ko lai. Cucaah a tu ah tho law a hram domh colh ko, cuti na tuah ahcun na rian ah na tthangcho deuhdeuh lai, na thiam deuhdeuh lai, mah le mah zumhnak na ngei deuhdeuh lai, na hlawhtling deuhdeuh lai” – Mark Victor Hansen.

Zeitikhmanhah caan rem le tling cu na rian a taw domh nak ding ah na hmu kho in na ngei kho bal lai lo. Na rianttuan kalter, chuahter nak ding caah  a tling khitkhet mi  caan ttha, caan rem na ngei kho bal lai lo, cu lawng hlah na chungkhar nupi fale he caan nuam hmang tti ding in, cauk ttha ttha ttial kho ding in, na ziaza dawhlo thleng ding in, le ziaza thar pom kho ding in a tling khitkhet mi caan ttha na hmu kho bal lai lo, ti hi philh hlah, cu nihcun nifatin in man a ngei mi rianttuan nak in na nun caan an hman ter lai.

Cun hi ruahnak ttha lo hna hi philh hna hlah, hlawhtlinnak dawnkhamtu tiin. Cu hna cu “ ka tha di tuk, ka celh ti lo, caan ka ngei ti lo, kei cu zeihmanh ka si lo/ ka ti kho lo, a tlai tuk cang, a tu cu a rem rih lo, a thiam ci ka si lo, ka thatho lo, phaisa ka ngei rih lo” tibantuk hna hi..kan ruahnak ah a um tikah kan hrial awk ruahnak ttha lo hna an si.