Nang he Valentine’s Day kan biakam kha ka philh kho lo

Nang he Valentine’s Day kan biakam kha ka philh kho lo

A liamcia 2009 lio Valentine’s Day ah dawtmi he kan rak hmang. Ka philh kho lo kha Ni sung dawh kha. Minung biakam hna hi a taktak a si rua lo hlah maw. Valentine’s Day ah dawt nang he kan biakam kha…..thlapele men an rak si.

Zing ah tuan tein ka tho….Hair Gel man fawi nawn he,, kan sam cu ka van ttamhmawih ve. Land Line Phone cu a rak ring…A tlaih lai kai ngaih ngai… “Dawt na tho ttha maw? Kan ngai tuk… Tu Ni cu kan leng tti lai mu…” ka thawpi ka chuah…ka thin hna phang pah…. Kai ttemh dih hnu in Dawr ah ka kal i Chocolate man fawi nawn te… ka cawk. Tha tein ka fun i, cu hnu ah thil zuartu nu nih Nu pawl nih hin Rose par pek hi kan duh ngai mi pakhat a si ve a ka ti, Rose par dawhte pakhat cu ka cawk.. Tha tho ngaiin ka kal rua ka ti ahkhin ka thin a rak tur…Aa…Bike he ka si le…a kik pah i si ko hih….ka van ti ah khin ka thlan a rak chuak fawn….Ti awk ka thei lo.

An inn hmai ka  phan “Bike thawng a theih in thlalang awng a van on i,,, “na rak phan cang maw? Ka ra lai…” tiin aw hno ngai in a van ka ti..aw..ka lung a tlau dih…hi tluk in a zei mi ngaknu hi ka hmu ti hnga maw? tiin kei mah le kei mah bia kai hal…a lehnak…..cu ka ruat manh lo, asinain kai lunghmuih tuk i,,,a mui dawh te he a mirh lio te cu ka hmuh manh..cu tin leng in cun ka rak hngah ko. Dawt he hin kan i hmuh ka in a rak i duh veve mi kan si. A nih hi Smiling Face a hmang tuk  mi a si caah,, ka rak i ralring ve,, bia hram thawk ning law kai chuah sual hnga maw timi ruahnak ka rak ngei bal. Duh a nung khun ka tinak cu a zei tuk nak hi a si. Kan i hmuh ka tlawmpal ahhin,  ka thutt lio ah kan kam ah mi pakhat aii…tiin lung ai chuih mi nu pakhat ka hmuh..ai sorry mu…tiin ka van bawmh cu …Amah  cu a rak si… cuticun tlawmpal kan i chawn ngam ..kkk.

November thla hrawng ah kan i hmuh hi a si. Asinain kan i zah nak ah January thla lawng ah lakphak kan ding tti…. Ai dawh ti hlei cun chim ding ka theilo,,,a ke dil sen no te lawng hmanh nih kan cuap le ka lung le ka ruahnak tampi a lak dih cang ti tluk in ka um. Mifim hna nih an chim mi cu “vawleicung ahhin ai dawh bik cu Nu an i dawhnak hi a si” an ti. A dik taktak ko. NU hna an i dawhnak hi phun hnih tthen khawh a si, cu hna cu (1) Lenglei dawhnak (2) Chung lei dawhnak ( Nun can ziaza thatnak, le michawnh biak thiamnak, le felnak ka ti ko lai). Asinain Minung kan i dawtnak biakam hna hi a caan a tlin hlan ahcun hna a ngam ko nain a caan a tlin taktak ahcun a lem men a rak si.

Kan i duh in a voikhatnak Valentine’s Day kan hman nak a si. A rak ttum i panh sirsiar tein kal nak ding kan ti mi hmun khat ka a um i cu ahcun lungtho ngaiin kan i thawh, inn pa hna zong an lung a tling deuh ko rua….nan i rem tuk tiin an kan lawmh pi ve. Aw! Valentine’s Day hi a nuam khun taktak ko rua ee….  Zei dang kan tuah hlan ah tiin tuan tein kan va kal….cu tin bia thlum thlum kan i ruah…asinain ka khuaruahhar bak ka ti mi cu…i kuh i rek cu chim hlah..kan kut zong hi kan i tlai bak lo…khat tluk in kan lungthin cun kan i duh ko nain..a leng ahcun zohdawh lo cu kan um lo…

Chun ni a tla….thil dang le hmun dang ah hawi le he kan len tti hnu ah…Zaan lei ninem kan phan…chocolate le rose par cu bike chung ah ka chiah i,, zing lei pek ding ka ti mi a si ko nain…dawtnak biakam phai pah in pek ah a ttha lai tiah ka ruah caah…ka pe tthan lo,, aruah ning zong a si lo kho men….

Zaan lei ni nem ahcun Simple ngaiin ai ttemh ttung mi, ai dawh in duh a nung tuk fawn ttung dawt he cun Lam len kan i thawh…Kan Sang pawl nih cun an kan hmuh hawi… micheu nih cun an kan capoh bu in Khuacuahnak bo ah kan kai. Kei hi bia chim ka thiam lo ngai, capo chim zong ka thiam lo, a dih mi ka chim hmanh ah zumh um lo ngaiin bia a chim mi pawl khi ka si. Dawt he cun 5 inches hla hrawng in ka tthu i bia dangdang khi kan i ruah…Tu lio bantuk in Selfie i thlak nak rak ngei sihlaw cu mu…kan nih pahnih cu selfie kan i thla kho hnga lo,,zeicahtiah kan i neih ngam lo..kkk. Zeidang bia chim ding ka thei ti lo…Cycle chung ah ka chiah mi Rose par te cu ka va lak…Dawt hi rose nih hin kan lungthin chung ah ka ttial mi dawtnak kong phuangkho sehlaw…kan lungdi a riam tuk lai…Hi rose par te hi kan duhdawt zia langhternak ah na ka cohlan piak hnga maw? ka van ti hi…ka busiksaisem a chuak pah.. Amah zong cu hi bantuk rak tong bal lo..asi ve tikah..a ning hna a zak pah. Asinain thinlung ah a alh tuk mi kan karlak dawtnak ruang ah…zeizong te hi a tluang dih. A nih hin simple tein a um ko nain phaisa a ngei pah rua…kkk, ka ruah lo piin tthi dawh ngai pakhat le Ball Pen dawh taktak mi pakhat a ka pek ve,,ka ning zah a chuah ciammam i, cu lio ahcun Cartoon si ning law..ka ningzah ai ning deuh men hnga….

Valentine Ni ahhin dawtnak he ngaknu, tlangval siseh, nuva a si cang ko mi zong nih laksawng te i pek khawh ahcun a ttha, kan kar lah ah dawtnak a ngan tertu a si lai.

Dawtnak biaza phai pah in….Dawt a tu cu sianginn kan kai lio a si caah, university dih tiang in kan i hngak kho hnga maw? tiin kei awka thiam lo tifam cu ruahlo piin ka van chim…ka chim dih in kei mah zong ka lung te cun ka lau pah..e..hi hi.. ka ti sual ko lo maw? tiin ka ning hna a zakpah dengmang. Asinain a ka leh mi cu kei cu ka hngakchia rih ee..sau nawn sianginn kai a hau rih cu ta,,,,nangmah tu nih na ka hngak kho hnga maw? a ka ti. A nih hi an khan lak ah cathiam bik pathum nak ah a um lengmang mi a si. cucaah ka thin phan piak mi pakhat cu keimah ruang ah ca zoh kho lo hna in a um sual hnga maw? ti hi a si. Kei zong cu ca zoh ka hau ve ko,….kei cu tthatein cun ca ka zoh kho tuk lemlo caan a um pah…

Sianginnkai lio ah dawt rak ngeih hi a sualnak a um maw? tiin rak ka hal u law…aleh nak cu Mah pumpak cung ah ai tthum mi si kan ti hna lai…ttha tein ca ka zoh kho….A ho hmanh hi duh mi a ngei lo tu an um lai lo dah…asinain sianginn kai caan theng te ahcun a tthat lonak zong cu a um ve ko. I duhdawt ruang ah i tthitumh colh ding tinak a si lo,,daitein sianginn dih tiang zumhtlak tein um ding tu in biakam nak fek tuah ding a si. Sianginn kai lio ah uar mi ngei uh kan ti hna lo,,asinain a ho poh nih uar mi te cu ngeih dih cio a si caah, um ningcang cacawn bauitertu a si lo nak ding ah ka langhter duh mi a si.

Kan nih  pahnih cu ttha tein tanghra kan ong veve. Asinain University kan dih tti kho ti lo. Thinlung ah a cam,,peng i valentine’s day kan biakam nih kum 2 chung a nguh ko nain kan biakam mi nih a ri a phan kho lo. Kan tuanbia ka ruah tawn ahhin a hram thok lei ka ruah lio ah cun na muihmel te kha ka mitthlam ah an cuang i na awka nem te kha ka hna thlam ah ai zel peng rih, asinain a donghnak lei ka van ruah tik ahcun ka lung a fak tawn rih..Khah tluk in kum hnih chung bak ttha tein ca hmanh kan cawng kho ko nain zeicahdah a ri kan rin mi kan phak khawh hnga lo ti ka ruah ah…ka ruahnak nih a phan kho lo.

Valentine’s Day ah na dawtmi he nan biakam cu hmun sehlaw,, nan i duhdawtnak ngan chin tertu Ni sihramseh ti buin HAPPY VALENTINE’S DAY.