Pathian mi auhning

Pathian mi auhning

Pathian nih hmailei siangpahrang ding taining a pekning cu biaceih zung i kalter le siangpahrang si buin siangpahrang dang va zohkhenhter kha a si. Cu hnu ah cun siangpahrang nih a thiamding thiamter le siangpahrang nih a tuah ding tuahter kha a si. Cuticun David cu training a pek.

A pakhatnak ah mit in hmuh khawhmi thil sining in training a pek. Pathian nih kan nunnak a kan hruaining le a kan tonghthamning cu a dotdot tete in a kan tonghtham. Cu hnuah cun kawh taktak in a kan kawh tawn. Saul cu Pathian nih a chuahtak in a nunnak cu a rawk cikcek ko cang. A ral nihcun awhrang le zuamcawh bia lawnte in an chawnh cang. Khuachia tthalo nih a tlak i a pumsa zong a rawk cang. Asinum hna nih ruahnak an pekmi cu, tingtang tum thiam au hna law an zawtnak a dam lai ti a si. a sinum hna zong cu Pathian zummi an si ti lo caah Pathian sin i zangfah haltu chim loin a thinlung nuamhnak sawhsawh thil kha an chimh. Saul siangpahrang a hna a tla i tingtang tum thiam cu ka auhpiak u tiah a ti hna. asinain  pakhat nih David kha a hngalh i, apa Jessi cu na fapa Dacid tuu a khalmi kha ka sinah ratpi tuah tiah a ti. Cucaah cun David cu Saul sin ah an kalpi.

David nihcun Pathian chiti thuhmi ka si i siangpahrang ka si ti cu a hngalh. Asinain Pathian nih a ka fialmi cu zei poh ka tuah awk a si ti kha a hngalh fawn. Cucu David nih a dot khatnak training a awnmi cu a si. David cu Saul siangpahrang sin a phan. Cunak har deuh training a awnmi cu siangpahrang a si laimi David cu Pathian nih a hlawt ciami Saul siangpahrang hriamnam putu a hung si hi a si. caan saupi cu a si lo nain Pathia nih a herh a ti caan cu a si.

Thil biapi lo tuk lawmmam tuah awk, le tuah ding ah fial kan si tawn men. A caan ahcun nautat hna khi a lo tawn men lai. Sihmansehlaw phunciar lo in tuah nak nih cun hlawhtlinnak ah mi a hruai tawn. Pathian nih hihi tuah, khakha tuah tiin awkam in a kan chim lai lo, cucaah Pathian sin ah thlacam buin kan hmai zawn ah a chuah mi kha teitu kan si ding hi a biapi mi a si. David cu siangpahrang si ding in chiti thuh mi a si ko nain mi sin um a ttuan ta. Hi kong ruah ahhin kan nunnak ah  tamtuk cawn ding kan ngei.

Kan hmaizawn ah a chuak mi sakhi cu ril bak in kah khawhnak in a ttha a um ti lo. Kan nganh sual ahcun thadik law kan i hlep mi a si ko lai. Pathian lam hruaining a si ti ttha tein na theih hlan ahcun fel tein na hmai zawn ah a um mi rian pohpoh kha ttuan ko…na sinak he ai rem lo mi zong a si kho men, ttuan tthiamtthiam ko Pathian lam hruainak a si kho ko.