Kan ka a rim chia lo ding in tuah hna u sih

Kan ka a rim chia lo ding in tuah hna u sih

Na ka a nam deuh ruang ah mi hmai ah holh tam ngam lo in na um caan a um maw? Na ka rim chiat ruang ah na dawtmi he naih tein le hmai tonh in bia na ruah ngam lo caan tbk.. khi na tong bal maw? Asiloah rian pakhat khat ruang ah cabuai cung meeting ngei ding ah kam tthuah hna na philh sual tawn maw? Na ka rim a chiat lo nakhnga le na Ha le na hani ai rawk nakhnga lo kilven thiam ding in  ttuanvo nganpi na ngei. A tu caan na ka rim a chiat lo nakhnga a tang ah langhter mi hi regular tein tuah piak tlak taktak a si.

1.       Kamttuah piak peng ding

Na hani le na ha karlak ah maw, na ha kar ah maw, Ka rim a chiat tertu rungrul (bacteria) hna an i benh kho ko, culawng hlah na thil ei mi nenawi a tangmi hna ruang zong ah kaa a thu duh i, tuarh awk ttha lo tiang in ha zong a fak kho. Cucaah nikhat ah a tlawmbik voi hnih tal Kam tthuah a hau. Na ka rim a chiat rih tthiam ko ahcun hi nak tam zong in Kam i tthuah khawh a si. Asinain na Kam nai tthuah tikah na Hani kha a no tuk mi a si tik ah faktuk in cun hnur hlah. Din nawn tein na Ha kha hnur piak ko..cu loahcun na Hani a tlum dih sual ko lai i, na hafang a sau lai, na ha kar a kua dih lai.

2.       Kam a thiantertu Sii hmawn piak

Kan ka rim a chiat nakhnga lo, kan ka chung ah a um mi rungrul (banteria) hna a tthat kho tu sii zong hmawm piak a hau ve. Sihmanhsehlaw na ka rim a chiat nakhnga lo zeibantuk sii dah ka hman awk a si timi cu ttha tein nai thim thiam a hau ve. Rim chiat lo nak ding a khamtu sawhsawh sii hang cu va hmang bak hlah. Na ka chung ah a um mi rungrul (bacteria) a that kho tu sii bel cu nai thim thiam a herh taktak mi a si.

3.       Na lei kha Ha burush in hnawh piak

Lei cung zong ahhin rungrul tete an um khawh ve caah,, na Ha na rawt tikah na burush khan na Lei zong kha hnur piak ve. Na burush hman mi in ai rem khawh lo ahcun Scraper timi Lei ziat nak khi hmang ko. Na Lei cung ah a um mi rungrul le Sell a thi mi hna kha an thianh awk hrimhrim a si.

4.       Ka rim a chiat tertu thil ei i sum

Daidim (garlic), piat (Onion) tbk.. ei bak in Kam i tthuah zong ah a rim a tlau kho colh lo mi hna ei kha i sum. A rim chia tuk mi hna hi thari in khin cuap ah an lut kho ti si. Cucaah Ka rim chiat na duh lo ahcun hi bantuk tirawl hna i a si khawh chung in i sum cu a ttha mi a si.

5.       Kuak i sum deuh

Kuak nih kan taksa caah zawtnak ttha lo a phunphun le cancer tiang a chuah pi khawh ti lawng hi a si lo. Kuak khu nih cun na Hani ah zawtnak a um ter khawh, cun Ka rim a chiat ter khawh. A fawi nakin na Ka rim chiat a zual ter tinak a si. Cucaah Kuak hi i sum deuh ding a si. Kuak nai sum tikah a fawi bak lai lo, asinain kuak zuk na caak tuk tikah khaicek hna maw, asiloah thil dang eidin ding hna cu kuak can ai ah ei hna law cu nihcun ruahnak a mer khawh.

6.       Ti dat khim a herh

Kan cil a tlawm tikah, kan Ka a ro i, a rim a chia duh taw. Cucaah ka Ka a ro pah cang ti nai theih bak cun tholaw ti ding colh ko. Na taksa pum caah a herh mi Ti dat zong ttha tein na zohkhenh thiam a herh.

Source: Webmd & Duwun