Vawlei cung ah ttihnung bik ramri hna

Vawlei cung ah ttihnung bik ramri hna

Vawlei cung ram tampi hna cu ramri kong ah buainak an tong. Ram khat le ram khat kar lak ah ram i cuh nak ruangah ramri kong buainak a chuah hi a si.

Tutan ah vawlei cung ramri hna lak ah ttihnung bik ramri a si mi tlawmpal in langhter ka duh.

1. Iraq le Iran

Mah hna ramhnih hi an buaibai chung cu a sau bak cang. An ramri kong ah an buai peng, Iran nih missile hna a puah hnawh. Iraq nih le Iran nih ka ram a ka cuh tiah a thangchiat ve, asinain an pahnih UN daihnak minsen an thut veve, asinain ramri kong ah buainak tete cu a um peng rih ko.

2. Pakistan le Afghanistan

Mah hi ramri hi Durand Line tiah ti a si, meng 1,510 tluk saumi a si. Hlan deuh ah cun Taliban ralhrang nih an rak cuh ve, cu hnu ah Afghanistan cozah zong ai thlak ve cang. Cun ramhnih karlak ah buainak a sang i ramkal thazang chuah in i cuh a si. Pakistan nih cun Taliban ralhrang khamnak ca ah tiin hauhruang hna a sak. Ramri kam ah aum mi pawl hi zangfah tuk an si, zeicahtiah a cozah nih ttha tein a veng kho hna lo. Taliban ralhrang kut an tuar tuk. lainawn le thlaihhrem le kidnap a tam nak hmun zong a si.

3. Yemen le Saudi Arabia

Tutiang zong ah ral a dai bal lo mi ram an si. Saudi nih hin nizaan tiang zong ah khan Yemen ah bomb a thlak peng rih ko. Mah hi ramri kong ah hin buainak a rak um pah lengmang i kum 2015 khan cun cozah ve ve tho in an i phomh lawlaw, Cu ramkhel ruang le rami buainak tiko u sih, cu ruang i buainak ah cun minung thong tampi an thi cang. Nikhat chung bak ah ihn missiles 15 le mortar (miakpi) 130 tluk an puah khawh cu tluk in a hrang mi ram an si.

4.India le Pakistan

Ram nih ramri hi meng 1,800 tluk sau mi a si. Ttihnung le rapthlak ramri a si. Ttha taktak in ven mi zong a si. Ramri buainak, ram i cuhnak ruangah  ral an rak tho ciammam i minung thongtampi an thi. A hleice in Kashmir i cuhnak ruang ah hin a si. Tuchun ni tiang in an buainak hi a dai kho rih lo.

5. South Korea le North Korea

An ramri hi ming 160 tluk hrawng a si. DMZ (Korean Demilitarized Zone) tibak in an ti mi a si. Hlan deuh ah cun ral mei a mit kho bal lai lo tiah an rak timi hna ramhnih an si. Tuchun ni tiang zong ah khat lei, khat lei in i tthih phaih nak a um peng rih ko. Mah ramri cu tongh ngam zong a si lo ti si. Seh (robot) hna zong an chiah nak hmun a si. Mah hi ramri tan ai tim sual mi cu phu luat lo an si ko.

6. Israel le Syria

Bible chan i an rak i ral peng mi an si ti sih law kan palh tuk lai lo, zeicahtiah an i tuknak le thahnak tuan bia zohnak in theih khawh a si. Ram i cuh ruang ah ramhnih karlak ah raldohnak a chuak tawn. Thisen tampi a luang. British nih khan Syria lei kam hi France sin ah a rak pek mi a si. Mah ramri kong ah cun holh tam zeihmanh a tthahnem lo, a chan cu meithal kuan tu an holh ter zungzal hmasa caah a si. Syrian civil ral a thawh hnu zong in ramri ttihnung deuhdeuh ah an can ter.

Mah ka ttial mi number ka pek mi theng hi ttihnung bik tinak a si lo.

REf:worldatlas