Khamh nak kong
BIAHALNAK....Hawidawt khamh na si cangmaw?Khamh nai fiang cang maw?
Kan mit nih a hmuh khawh lo mi kan pum chung um tu ning vial te, țha tein zoh, hlai i thlop lhawh nak dingah Xrayceu in thlak a hau. Hman a va thlak tik ah kan pum chung i um tuning dam lo nak vial te a kan chim khawh. Doctor pa nih mizaw nih a zawt ning a chim nak in hlai in thlop sehlaw a ti sual a tam deuh lai. A sinain Xray ceu nih a thlak cia mi zoh in cun Dortor hrang zong ah zeitin dah ka thlop lai ka tuamhlawm lai timi fiang tein a theih khawh. Cucaah a bia pi tuk mi a si. Kan pum chung umtuning cu kan mit cun kan hmu lo nain Xrayceu nih a thlak mi hmanthlak kan muh tik ahcun a sining za tein kan chim kho lo nain, aw hi tihin ka pum chung hi a um ti kan zumh. Minungcupum le thlarau aikomh i a nungmi le a cawlcang kho mi a si. Minung chung in thlarau a chuah ahcun cucu thih a si ko."cucaah cun pum cu thlarau lo in athih bantukin zumhnak zong tuah loin a thi"James 2:26.
Hi vuleicung minung le thil zeizongte asersiam tu Pahian lawnghi kan thinlungruahnak le thlarau um tu ningcu a zatein a thei i ahmu dih tu a si. Zungzal a nungmi Pathian zeizong vial te a thei tu Pathian nih minung kan thlarau lei nih a herh mi vialte cu A Bia Bible hmangin fiangtein a langhter. Kan pum chung i dam lo nak kan theih i kan hlop khawh nak hnga tangkaa tampi dih in Xray kan i thlak a hau. Asinain pum nak in a biapi deuh mi thlarau lei dam nak caah a herh tuk mi pawl kan theih khawh nak hnga Pathian Bia Bible hi a lak tein Pathian nih a kan pek tihi thawng pang țha pakhat a si ve. Cubantuk in Pathian nih thlarau lei zawtnak Xray a thlak mi cu a tang lei ah zoh hna u sih...
1. Sersiam tu a si
Pathian cu minung vialte, zeizong vialte sersiam tu a si."Genesis 2:7 Cun Bawipa Pathian nih vawlei khan tlak tlawmpal a lak i mipa ah a ser; nunnak petu thaw kha a hnar chungah a chuahhnawh i mipa cu a hung nung." "Biathlam 4:11 "“Kan Bawipa le kan Pathian, Nangmah cu sunparnak le upatnak le lianhngannak kha hmuh awkah aa tlakmi na si. Zeicahtiah zeizong vialte kha nangmah nih na ser hna i Nangmah duhnak bangin annih cu ser an si i nunnak an ngei,” tiah an ti. " Minung cu hilhmete in a lian lengmang i minung ah ahung cang timi Charles Darwin i Evolution Theory cu aho hmanh nih a dik tiah an fianh khawh lo mi le a fianter nak um lo mi a si. Hi bantjk a fianter nak um lo mi theoty cu hlen nak a si. Cu caah minung vialte i kan hram,kan i thawh nak cu zeizong vialte a sersiam tu zungzal a nung mi Pathian a si.
2. Sual ai thawh nak Satan
Pathian cu thianhlimnak le dinnak in a khat mi a si caah zeizong vialte a ser siam tik ah sual nak ai tel lo. Asianin vancungmi a si mi Lucifer cu a mah le mah ai hlorh tk ruangah Pathian doh duh nak hinlung a neih caah sualnak timi hi sual hram a thawk tu a si. Cucaah Pathian sal Lucifer cu a tu ahcun Pathian ral ah ai cang. Tuchun ni tiang in Pathian tinh mi hrawh ai zuam pengmi a si. Minung hmasa bik Adam le Eve cu a hlen hna i cucaah minung vialte sual kan si dih. Isaiah 14:12 "Babilon siangpahrang, Deirel arfi ceu, nang cu vancung in na tla cang! Hlanah cun miphun tampi kha na rak tei hna, sihmanhsehlaw atu cu vawlei ah an in hlonh cang. " Isaiah 14:13 "Vancung i hung kai i a sang bikmi arfi nak sang i na bawițhutdan hung chiah cu na rak i zuam. Chaklei i a ummi tlang, pathian hna an i pumhnak tlang ah khan siangpahrang bantukin ka ṭhu lai tiah naa ruah. "Isaiah 14:14 Khuadawm cungah khin ka kai lai i Cungnung Bik bantuk ka si lai na ti. Ezekiel 28:11-19.
3. Minung sualfa a si
Doctor nih X-ray thlak nak in dam lo i a damlo nak kha țha tein a hmuh khawh, X-ray ceu nih cun țha tein a chim khawh. Ca banutuk in minung thlarau umtuning a thei dih tu Pathian nih cun minung kan sual nak kong cu a kan chimh. Phungchimtu 7:20 țhatnak a tuah zungzal i a sual bal lomi miding pakhat hmanh vawlei cungah hin an um hrimhrim lo. Rom Cakuat 3:23 zeicahtiah mi vialte cu kan sual dih cio ko i Pathian sunparnak kha kan bau dih cio ko. Saam 51:5,15 : 3 rel chap.
4.Sualman cu thihnak
Minung cu sual fa a si ruangah thihnak a in tuar nak hi a si. Siangpahrang, Mifim mithiam, bawi le mirum zong nih thihnak cu an tei kho lo. Ezekiel 18:4 "A nungmi paoh cu keimah ta an si dih, an hringtu nu le pa si hna seh, an fale si hna seh, an dihlak in ka ta an si. A sualmi paoh cu a thi ko lai." "Rom Cakuat 6:23 "Zeicahtiah sualnak man cu thihnak a si, sihmanhsehlaw Pathian laksawng cu zungzal nunnak a si i cu nunnak cu kan Bawipa Jesuh Khrih he aa pehtlaimi nunnak a si." Sualnak ruangah pum le thlarau thihnak cu minung cungah a tla.
5. Sualfa nih cun khamhtu a herh
Minung cu sualfa a si caah țemtawn tu sual nak chung in khamh tu a herh. Mitampi nih sual țemțawn nak chung in chuah an i tim i ram tang mi um lo nak ah dai tein khua an va ruat. Micheu nih cun an mah le an mah hna an i hrem i fel tein um an i zuam. Minung cu mah tein sual țemțawnnak chung in a luat kho lo phawih piak tu a herh. Isaiah 64:6 "Kan dihlak in misual kan si, kan thil tuahmi țha bik kan timi hna hmanh hi puanchia fihnung an si. Kan sualnak ruangah cun hnahchawl thli nih a choihmi bantuk khi kan si. " Sal cu aluat khawh nak hnga sal a si lo mi nih a cawk i a luat ter ahau, sal le sal an i luat ter ti a um bal loh, aum kho mi zong a si loh. Ca bantuk in minung cu sualsal in a chuah khawh nak hnga sualsal i a tang lo mi lawng nih a khamh khawh lai. A mah tein a luat kho lo, luatter tu a herh.
6. Sualman leiba Thisen thianghlim nih a cham
Sual man cu thihnak a si. Cucaah sialfa nih cun sual man leiba a nei. Minung le minung hmanh sual ruangah dantat in thawngtlak, tangka cawi a si. Thawngtlak cu rianhrang țuan a si caah thlan hripi chuak in sualman rulh a si. Asinain Pathian hmai i kan sjal man cu tangka le thlanhripi in cham khawh a si. Cucaah Bible nih zei nih dah Pathian hmai i kan sual man a cham khawh timi kan zoh lai,
Levitikas 17:11 Zeitintiah titsa nunnak cu thi chungah a um i nan nunnak ca i biakțheng cung i remnak sernak caah kan pekmi hna a si; zeitintiah nunnak thawng cun thi cu remnak sertu cu a si. Hebru 9:22 Nawlbia ning ah cun zei paohpaoh hi thisen in thianh a si i sualnak hi thisen luanh lawnglawng in ngaihthiam a si. 1 Johan 1:7 Sihmanhsehlaw ceunak chung i a um bantukin kannih zong ceunak chung i kan um ahcun pakhat le pakhat hawikomhnak kan ngei i a Fapa Jesuh thi nih khan kan sualnak vialte in a kan thianh. Sual nak a nei lo mi Bawipa Jesuh Khrih cu misual nang le kei caah thihnak a tuar in thisen thianghlim a thlek i kan sual man leiba vialte cu a kan cham piak dih.
Pathian nih misual a dawt
Pathiancu misual a daw tu a si. Zungzal a nungmi Pathian cu A thianghlim tuk mi a si caah sual hi cu a hua tuk tu a si. Asianain sualfa cu a daw tuk tu a si fawn. Johan 3:16 "Cuticun Pathian nih vawlei hi a dawt hringhran caah a Fapa ngeihchunte kha a pek, cucaah amah a zummi paoh cu an thi lai lo, zungzal nunnak an ngei lai." "Rom Cakuat 5:8 Asinain Pathian nih cun zeitluk in dah a kan dawt kha hitihin a langhter: kannih cu misual kan si ko rih lioah hin Khrih cu kan caah a thi."
Zumh nak ruangah Zungzal nunnak
Sualfa nih ai zuam nak, midang a dawt nak, thilțha a tuah nak vialte cu zungzal nunnak hmuh nak diang caah cun ai za rih lo(hi pawl a tuah ruangahhin zungzal nunnak a hmu kho lai lo). Jesuh Khrih nih na sual leiba an cham piak i sual man leina na nei ti lo. Cucaah Jesuh Khrih cu sualsal in a ka khamhtu a si ti zumlaw na nung lai,zungzal nunnak na hmuh lai.Johan 3:36 "Fapa a zummi paoh cu zungzal nunnak an ngei, Fapa nawl a ngai lomi paoh cu nunnak an ngei bal lai lo i Pathian thinhunnak cu an cungah a um zungzal ko lai."Johan 5:24 "“Biatak kan chimh hna: ka bia a thei i a ka thlahtu kha a zummi paoh cu zungzal nunnak a ngei. Amah cu biaceihnak a ing lai lo, sihmanhsehlaw thihnak in nunnak ah a lan cang. "Efesa 2:8 "Nannih cu vel an ngeih hna caah an khamh hna i khamhnak nan hmuh cu amah nan zumhnak thawngin a si. Khamhnak nan hmuhmi cu nanmah tuahmi a si lo, Pathian laksawng a si. " Zungzal nunnak cu aman a fak tuk mi Pathian laksawng man lo in a kan pek mi a si. Khamh nak cu Jesuh Khrih kan zumh nak thawngin kan hmuh mi a si.
Minung cu chum bantuk men a si
Minung cu nu hrin a si ruangah a nun a tawi..Job 14:1-2 “Nu hrinmi minung paoh cu a chan a tawi i harnak in a khat. Pangpar bangin a hung par i a uai țhan ko; Thladem bangin a tli i aa peh lo. Salm 90:5-6 Tilian bantukin minung cu na fenh hna; zan mang bantuk men an si ko. Zinglei ah a hung keo i a hung țhang i a par i zanlei ah cun a carmi belh bantuk men an si ko. Jeim 4:13-14 "“Nihin ah maw thaizing ah dik khual kan tlawng lai i khika ah kum khat kum hnih tluk kan um lai i chaw kan tuah lai i tangka tampi kan hmu lai,” tiah a timi hna, ka bia hi ngai tuah u. " "Thaizing ah na nunnak cu zei a lawh lai hmanh na hngalh țung lo. Nang cu minmei zaammi bantuk, atute a hung um i a lo zaumi bantuk pei na si ko cu. "Phungthlukbia 27:1 "Thaizing kong kha i porhlaw hlah, cu ni nih zei a chuahpi lai kha na hngal lo. "2 Korin 6:2 "Pathian nih, “Nanmah cu zaangfah kan duh hna caah kha caan ah khan nan bia cu ka rak in theihpiak hna i Khamh kan duh hna caah kha ni ah khan ka rak in bawmh hna,” tiah a rak chim. Ngaihmanh u! Pathian zangfahnak hmuh caan cu atu hi a si i khamhnak hmuh ni cu nihin hi a si! " Minung vialte hrang i caan țha bik cu "tu" caan hi a si. A tlai hlan ah na sual chir in a tu bak ahhin Jesuh Khrih cu zum law cu na zumh nak thawng cun zungzal nunnak na hmuh lai.
Khamhtu cu Jesuh Khrih lawng
Isaiah 45:22 "Vawleicung mi vialte hna, keimah leiah khan i mer u law khamhnak hmu u. Keimah lawnglawng hi Pathian cu ka si ko. "Johan 14:6 "Jesuh nih, “Keimah hi lam le biatak le nunnak ka si; keimah sinin ti dah lo cun ahohmanh Pa sin an phan kho lo. "Lamkaltu 4:12 "Amah thawng lawnglawng in khamhnak hi hmuh khawh a si. Zeicahtiah vawlei cung dihlak ah hin a kan khamh khotu ding min dang zeihmanh a um lo,” tiah a ti." Thihnak a tei inithum nak i a tho mi Jesuh Khrih lawng nih sualfa vialte cu sualsal in a khamh hna. Khamhtu cu Amah lawng a si.
Sawmnak
Sualsal i a tangmi hna, sualsal in luat khawhnak lam a hawl tu hna, ruahchan nak a nei ti lo mi hna, Khamh tu Jesuh Khrih dawt nak nih a tu ah an sawm. A mah cu panh awk ah i manh cang, na panh ah cun a lawng in cun na kir lai lo. Matthai 11:28-29 "“Rethei le thilrit mi vialte hna, ka sinah ra tuah u, dinhnak kan pek hna lai. " "Ka seihnam kha i bei u, kei cu nunnem le mitoidor ka si caah ka nawl hi i cawn ve u; cun dinhnak kha nan hmuh lai. " Jesuh Khrih sawmnak aw a thei i a zultu poah cu "Johan 6:37 Ka Pa i a ka pekmi paohpaoh cu ka sinah an ra lai i ka sin i a rami paohpaoh cu ahohmanh ka dawn hna lai lo" tiah bia a kan kamh. Sualfa vialte i taksa, thinlung, thlarau nih a herh mi vialte a pe kho tu Jesih Khrih nih a tu ah an sawm a sin ra dingin, thaizing ah ra te a ti lo a tu bak a ti. A mah cu panh ko. Nungchung a tawi tuk mi, minung nunnak chung i a dik mi lawmh nak, daihnak le lungsi hna ngamnak a nei tu cu mi thlawchuak a si.
BIAHALNAK....Hawidawt khamh na si cangmaw?Khamh nai fiang cang maw?
Kan mit nih a hmuh khawh lo mi kan pum chung um tu ning vial te, țha tein zoh, hlai i thlop lhawh nak dingah Xrayceu in thlak a hau. Hman a va thlak tik ah kan pum chung i um tuning dam lo nak vial te a kan chim khawh. Doctor pa nih mizaw nih a zawt ning a chim nak in hlai in thlop sehlaw a ti sual a tam deuh lai. A sinain Xray ceu nih a thlak cia mi zoh in cun Dortor hrang zong ah zeitin dah ka thlop lai ka tuamhlawm lai timi fiang tein a theih khawh. Cucaah a bia pi tuk mi a si. Kan pum chung umtuning cu kan mit cun kan hmu lo nain Xrayceu nih a thlak mi hmanthlak kan muh tik ahcun a sining za tein kan chim kho lo nain, aw hi tihin ka pum chung hi a um ti kan zumh. Minungcupum le thlarau aikomh i a nungmi le a cawlcang kho mi a si. Minung chung in thlarau a chuah ahcun cucu thih a si ko."cucaah cun pum cu thlarau lo in athih bantukin zumhnak zong tuah loin a thi"James 2:26.
Hi vuleicung minung le thil zeizongte asersiam tu Pahian lawnghi kan thinlungruahnak le thlarau um tu ningcu a zatein a thei i ahmu dih tu a si. Zungzal a nungmi Pathian zeizong vial te a thei tu Pathian nih minung kan thlarau lei nih a herh mi vialte cu A Bia Bible hmangin fiangtein a langhter. Kan pum chung i dam lo nak kan theih i kan hlop khawh nak hnga tangkaa tampi dih in Xray kan i thlak a hau. Asinain pum nak in a biapi deuh mi thlarau lei dam nak caah a herh tuk mi pawl kan theih khawh nak hnga Pathian Bia Bible hi a lak tein Pathian nih a kan pek tihi thawng pang țha pakhat a si ve. Cubantuk in Pathian nih thlarau lei zawtnak Xray a thlak mi cu a tang lei ah zoh hna u sih...
1. Sersiam tu a si
Pathian cu minung vialte, zeizong vialte sersiam tu a si."Genesis 2:7 Cun Bawipa Pathian nih vawlei khan tlak tlawmpal a lak i mipa ah a ser; nunnak petu thaw kha a hnar chungah a chuahhnawh i mipa cu a hung nung." "Biathlam 4:11 "“Kan Bawipa le kan Pathian, Nangmah cu sunparnak le upatnak le lianhngannak kha hmuh awkah aa tlakmi na si. Zeicahtiah zeizong vialte kha nangmah nih na ser hna i Nangmah duhnak bangin annih cu ser an si i nunnak an ngei,” tiah an ti. " Minung cu hilhmete in a lian lengmang i minung ah ahung cang timi Charles Darwin i Evolution Theory cu aho hmanh nih a dik tiah an fianh khawh lo mi le a fianter nak um lo mi a si. Hi bantjk a fianter nak um lo mi theoty cu hlen nak a si. Cu caah minung vialte i kan hram,kan i thawh nak cu zeizong vialte a sersiam tu zungzal a nung mi Pathian a si.
2. Sual ai thawh nak Satan
Pathian cu thianhlimnak le dinnak in a khat mi a si caah zeizong vialte a ser siam tik ah sual nak ai tel lo. Asianin vancungmi a si mi Lucifer cu a mah le mah ai hlorh tk ruangah Pathian doh duh nak hinlung a neih caah sualnak timi hi sual hram a thawk tu a si. Cucaah Pathian sal Lucifer cu a tu ahcun Pathian ral ah ai cang. Tuchun ni tiang in Pathian tinh mi hrawh ai zuam pengmi a si. Minung hmasa bik Adam le Eve cu a hlen hna i cucaah minung vialte sual kan si dih. Isaiah 14:12 "Babilon siangpahrang, Deirel arfi ceu, nang cu vancung in na tla cang! Hlanah cun miphun tampi kha na rak tei hna, sihmanhsehlaw atu cu vawlei ah an in hlonh cang. " Isaiah 14:13 "Vancung i hung kai i a sang bikmi arfi nak sang i na bawițhutdan hung chiah cu na rak i zuam. Chaklei i a ummi tlang, pathian hna an i pumhnak tlang ah khan siangpahrang bantukin ka ṭhu lai tiah naa ruah. "Isaiah 14:14 Khuadawm cungah khin ka kai lai i Cungnung Bik bantuk ka si lai na ti. Ezekiel 28:11-19.
3. Minung sualfa a si
Doctor nih X-ray thlak nak in dam lo i a damlo nak kha țha tein a hmuh khawh, X-ray ceu nih cun țha tein a chim khawh. Ca banutuk in minung thlarau umtuning a thei dih tu Pathian nih cun minung kan sual nak kong cu a kan chimh. Phungchimtu 7:20 țhatnak a tuah zungzal i a sual bal lomi miding pakhat hmanh vawlei cungah hin an um hrimhrim lo. Rom Cakuat 3:23 zeicahtiah mi vialte cu kan sual dih cio ko i Pathian sunparnak kha kan bau dih cio ko. Saam 51:5,15 : 3 rel chap.
4.Sualman cu thihnak
Minung cu sual fa a si ruangah thihnak a in tuar nak hi a si. Siangpahrang, Mifim mithiam, bawi le mirum zong nih thihnak cu an tei kho lo. Ezekiel 18:4 "A nungmi paoh cu keimah ta an si dih, an hringtu nu le pa si hna seh, an fale si hna seh, an dihlak in ka ta an si. A sualmi paoh cu a thi ko lai." "Rom Cakuat 6:23 "Zeicahtiah sualnak man cu thihnak a si, sihmanhsehlaw Pathian laksawng cu zungzal nunnak a si i cu nunnak cu kan Bawipa Jesuh Khrih he aa pehtlaimi nunnak a si." Sualnak ruangah pum le thlarau thihnak cu minung cungah a tla.
5. Sualfa nih cun khamhtu a herh
Minung cu sualfa a si caah țemtawn tu sual nak chung in khamh tu a herh. Mitampi nih sual țemțawn nak chung in chuah an i tim i ram tang mi um lo nak ah dai tein khua an va ruat. Micheu nih cun an mah le an mah hna an i hrem i fel tein um an i zuam. Minung cu mah tein sual țemțawnnak chung in a luat kho lo phawih piak tu a herh. Isaiah 64:6 "Kan dihlak in misual kan si, kan thil tuahmi țha bik kan timi hna hmanh hi puanchia fihnung an si. Kan sualnak ruangah cun hnahchawl thli nih a choihmi bantuk khi kan si. " Sal cu aluat khawh nak hnga sal a si lo mi nih a cawk i a luat ter ahau, sal le sal an i luat ter ti a um bal loh, aum kho mi zong a si loh. Ca bantuk in minung cu sualsal in a chuah khawh nak hnga sualsal i a tang lo mi lawng nih a khamh khawh lai. A mah tein a luat kho lo, luatter tu a herh.
6. Sualman leiba Thisen thianghlim nih a cham
Sual man cu thihnak a si. Cucaah sialfa nih cun sual man leiba a nei. Minung le minung hmanh sual ruangah dantat in thawngtlak, tangka cawi a si. Thawngtlak cu rianhrang țuan a si caah thlan hripi chuak in sualman rulh a si. Asinain Pathian hmai i kan sjal man cu tangka le thlanhripi in cham khawh a si. Cucaah Bible nih zei nih dah Pathian hmai i kan sual man a cham khawh timi kan zoh lai,
Levitikas 17:11 Zeitintiah titsa nunnak cu thi chungah a um i nan nunnak ca i biakțheng cung i remnak sernak caah kan pekmi hna a si; zeitintiah nunnak thawng cun thi cu remnak sertu cu a si. Hebru 9:22 Nawlbia ning ah cun zei paohpaoh hi thisen in thianh a si i sualnak hi thisen luanh lawnglawng in ngaihthiam a si. 1 Johan 1:7 Sihmanhsehlaw ceunak chung i a um bantukin kannih zong ceunak chung i kan um ahcun pakhat le pakhat hawikomhnak kan ngei i a Fapa Jesuh thi nih khan kan sualnak vialte in a kan thianh. Sual nak a nei lo mi Bawipa Jesuh Khrih cu misual nang le kei caah thihnak a tuar in thisen thianghlim a thlek i kan sual man leiba vialte cu a kan cham piak dih.
Pathian nih misual a dawt
Pathiancu misual a daw tu a si. Zungzal a nungmi Pathian cu A thianghlim tuk mi a si caah sual hi cu a hua tuk tu a si. Asianain sualfa cu a daw tuk tu a si fawn. Johan 3:16 "Cuticun Pathian nih vawlei hi a dawt hringhran caah a Fapa ngeihchunte kha a pek, cucaah amah a zummi paoh cu an thi lai lo, zungzal nunnak an ngei lai." "Rom Cakuat 5:8 Asinain Pathian nih cun zeitluk in dah a kan dawt kha hitihin a langhter: kannih cu misual kan si ko rih lioah hin Khrih cu kan caah a thi."
Zumh nak ruangah Zungzal nunnak
Sualfa nih ai zuam nak, midang a dawt nak, thilțha a tuah nak vialte cu zungzal nunnak hmuh nak diang caah cun ai za rih lo(hi pawl a tuah ruangahhin zungzal nunnak a hmu kho lai lo). Jesuh Khrih nih na sual leiba an cham piak i sual man leina na nei ti lo. Cucaah Jesuh Khrih cu sualsal in a ka khamhtu a si ti zumlaw na nung lai,zungzal nunnak na hmuh lai.Johan 3:36 "Fapa a zummi paoh cu zungzal nunnak an ngei, Fapa nawl a ngai lomi paoh cu nunnak an ngei bal lai lo i Pathian thinhunnak cu an cungah a um zungzal ko lai."Johan 5:24 "“Biatak kan chimh hna: ka bia a thei i a ka thlahtu kha a zummi paoh cu zungzal nunnak a ngei. Amah cu biaceihnak a ing lai lo, sihmanhsehlaw thihnak in nunnak ah a lan cang. "Efesa 2:8 "Nannih cu vel an ngeih hna caah an khamh hna i khamhnak nan hmuh cu amah nan zumhnak thawngin a si. Khamhnak nan hmuhmi cu nanmah tuahmi a si lo, Pathian laksawng a si. " Zungzal nunnak cu aman a fak tuk mi Pathian laksawng man lo in a kan pek mi a si. Khamh nak cu Jesuh Khrih kan zumh nak thawngin kan hmuh mi a si.
Minung cu chum bantuk men a si
Minung cu nu hrin a si ruangah a nun a tawi..Job 14:1-2 “Nu hrinmi minung paoh cu a chan a tawi i harnak in a khat. Pangpar bangin a hung par i a uai țhan ko; Thladem bangin a tli i aa peh lo. Salm 90:5-6 Tilian bantukin minung cu na fenh hna; zan mang bantuk men an si ko. Zinglei ah a hung keo i a hung țhang i a par i zanlei ah cun a carmi belh bantuk men an si ko. Jeim 4:13-14 "“Nihin ah maw thaizing ah dik khual kan tlawng lai i khika ah kum khat kum hnih tluk kan um lai i chaw kan tuah lai i tangka tampi kan hmu lai,” tiah a timi hna, ka bia hi ngai tuah u. " "Thaizing ah na nunnak cu zei a lawh lai hmanh na hngalh țung lo. Nang cu minmei zaammi bantuk, atute a hung um i a lo zaumi bantuk pei na si ko cu. "Phungthlukbia 27:1 "Thaizing kong kha i porhlaw hlah, cu ni nih zei a chuahpi lai kha na hngal lo. "2 Korin 6:2 "Pathian nih, “Nanmah cu zaangfah kan duh hna caah kha caan ah khan nan bia cu ka rak in theihpiak hna i Khamh kan duh hna caah kha ni ah khan ka rak in bawmh hna,” tiah a rak chim. Ngaihmanh u! Pathian zangfahnak hmuh caan cu atu hi a si i khamhnak hmuh ni cu nihin hi a si! " Minung vialte hrang i caan țha bik cu "tu" caan hi a si. A tlai hlan ah na sual chir in a tu bak ahhin Jesuh Khrih cu zum law cu na zumh nak thawng cun zungzal nunnak na hmuh lai.
Khamhtu cu Jesuh Khrih lawng
Isaiah 45:22 "Vawleicung mi vialte hna, keimah leiah khan i mer u law khamhnak hmu u. Keimah lawnglawng hi Pathian cu ka si ko. "Johan 14:6 "Jesuh nih, “Keimah hi lam le biatak le nunnak ka si; keimah sinin ti dah lo cun ahohmanh Pa sin an phan kho lo. "Lamkaltu 4:12 "Amah thawng lawnglawng in khamhnak hi hmuh khawh a si. Zeicahtiah vawlei cung dihlak ah hin a kan khamh khotu ding min dang zeihmanh a um lo,” tiah a ti." Thihnak a tei inithum nak i a tho mi Jesuh Khrih lawng nih sualfa vialte cu sualsal in a khamh hna. Khamhtu cu Amah lawng a si.
Sawmnak
Sualsal i a tangmi hna, sualsal in luat khawhnak lam a hawl tu hna, ruahchan nak a nei ti lo mi hna, Khamh tu Jesuh Khrih dawt nak nih a tu ah an sawm. A mah cu panh awk ah i manh cang, na panh ah cun a lawng in cun na kir lai lo. Matthai 11:28-29 "“Rethei le thilrit mi vialte hna, ka sinah ra tuah u, dinhnak kan pek hna lai. " "Ka seihnam kha i bei u, kei cu nunnem le mitoidor ka si caah ka nawl hi i cawn ve u; cun dinhnak kha nan hmuh lai. " Jesuh Khrih sawmnak aw a thei i a zultu poah cu "Johan 6:37 Ka Pa i a ka pekmi paohpaoh cu ka sinah an ra lai i ka sin i a rami paohpaoh cu ahohmanh ka dawn hna lai lo" tiah bia a kan kamh. Sualfa vialte i taksa, thinlung, thlarau nih a herh mi vialte a pe kho tu Jesih Khrih nih a tu ah an sawm a sin ra dingin, thaizing ah ra te a ti lo a tu bak a ti. A mah cu panh ko. Nungchung a tawi tuk mi, minung nunnak chung i a dik mi lawmh nak, daihnak le lungsi hna ngamnak a nei tu cu mi thlawchuak a si.
0 comments:
Post a Comment