Pathian nih an cawm lai
Matt. 6:33
Kan nunnak ca I a herh mi rawl le hnipuan hrangah
lungrethei in um ding kan si lo. Zei cahtiah cucu Pathian nih Ka tuanvo a si a
ti, kan nih tuanvo a si lo. Asinain kan mah lei in kan ruah ding mi thi pakhat
a um. Kan tuanvo cu Pathian duhning tuah hi a si, hihi biatak tein kan ruah a
herh.
Kan khuaruahnak ah hi bia hi thatein kan theihthiam
a hau. Mi tampi cu an tuanvo thatein an
tuah maw tuah lo tinak in an rawl le hnipuan ruat in an lungre a thei. Tlacham
in um lai an phang, neih lo lai an phang. Cucu an mah tuanvo buaipi nak in
Pathian tuanvo lehlam khi an va buaipi tinak a si. Pathian nih an herh mi a kan
pe sual lai lo ti an phang, a sinain Pathian ah zumhtlak lo I um ding cu an
phan mi a si lo. Kan herh mi pek ding cu Pathian tuanvo a si, kan mah tuah ding
a si lo ti hi thatein kan cawn a hau.
Asinain kan tuanvo Pathian duh mi tuah hi
cu kan tuah awk hrimhrim a si. Hi hi cu Pathian nih a kan tuah piak lai lo. Kan
mah I kan tuah lo ahcun tuah loin a um peng ko lai, kan tuah a si ahcun Pathian
nih tuanvo a kan lak ve ko lai.
Leicung I nunsunglawibik pakhat cu Khrih sin in pum
I pek le kan tuanvo tuand ding in pumpek, thil dang zeihmanh lungretheih pi lo
I nun hi a si. Nuam in kan nun khawh lo caah a um kho, hnipuan tha kan neih lo
caan a um kho, a sinain kan hrang tha bik mi cu
Pathian nih a kan pek ko lai.
Rawl ei ding nei lo, hnipuan nei loin um sihlaw teh? Hi dirhmun kan phak zongah
kan mah lei tuanvo tuan in lungrethei lo in um ding kan si. A mah le caan tlin
cun Pathian nih zei ti lei in dek a ka pek ko lai.
Kan tuanvo nakin kan paw cawmnak kan buaipi deuh
ruangah Pathian biakam kan co lo phah I harsatnak zong kan tong. Kan nih tuanvo
cu a duh mi tuah lei kam a si, kan mah duh ning in tuah le tuan a si lo. A cawm
lei kam cu Pathian rian a si. (True Life
Weekly)
