<
Minung kan si bantuk in, lungrethei in kan um tawn.
Cun kiangkap sining nih a chuahpi mi ruangah kan lungre a thei, kan riantuan
hlawhtlin lo ah cun kan lungre a thei I, nifatin kan I nuam kho lo. Si ee,
hlawhtlin lo cu hodah a duh bal hnga. Vulei thilri kong ruat in kan lung re a
thei, kan ngaih a chia. Aw hnangamnak hi a um lo maw tiin kan bei a dong.
Nu le pa duh ning le kan duh ning ai khat lo, kan
lungre a thei, kan ngaih a chia,, mi tampi cu kan chim mi leng in
lungretheihnak a tong mi kan um lai.
Voitampi cu kan buainak hi zeidah a si ti hi kan
ruat tawn lo, cucu kan buainak tak cu a si. Ruah ahcun kan lungfiang in kan I
nuam kho ko.Thilcang mi hi zeibantuk dah a si ti hi zohfel a herh. Lungrethei
ding ka si maw hi ruangahhin timi kan ruah a hau. Jesuh
Khrih cu Martha teinn
ah a tlung. A nau Mary cu Jesuh ke hram ah a thu I A cawnpiak mi cu a ngai.
Martha cu hnawkhnai bul ah a buai tuk, a rian a tam tuk… cu tik ah Bawipa ka
nau nih riantuan a ka bawm lo va bawm tiah hun chim tiah a hei ti.. Bawipa
nihcun a leh I, "Martha,Martha, thil tam tuk kongah na lungre a thei I na
ing a puang, sihmanhsehlaw a herh taktak mi cu pakhat lawng a si ko. Maru nih a
hmaan mi thil cu ai thim cang I cucu a hohmanh ni an chut lai lo" tiah a
ti.
Martha bantuk in thil tamtuk kongah kan buai in kan
lungre a thei sual maw? Jesuh Khrih nih a kan duh piak mi a si lo. Mary bantuk
in A ke hramah to in A bia ngai ding kan si. Cu caah cun kan luratheih
ngaihchiat nak hi zeidah a si, Jesuh duh mi a si maw ti kan ruah a herh ko.
Jesuh duh mi le fial mi poh cu hrelh loin duh hna usih law, tuah hna usih. Cu
lo ahcun Martha bantuk in thiltampi kongah kan lungre a thei peng ko lai.
Pathian that nak kong na ruah ahcun nai lawm zungzal ko lai.
