Pathiannih theihpiakmi
1 Samuel 1:13 Hannah nih cun a lung chungin a chim; a hmur lawng kha an caang i a aw cu theih a si lo; cucaah Eli nih zuri nu ah a rel.
Ka fanute he hngakchia cauk tam nawn kan rel dih hnu ah, kei mah lawng upa cauk dang ka rek țhan, tlawmpal ka rel hnu ah ka fanu te nih cun ka nu ca na rel țung lo na aw ka theih țung lo tiah a ka ti, ka aw chuah loin daitein ca ka rel kha ca rel lo ah a ka ruah.
Hi ti daizirziar tein ca kan rel bantuk in, aw chuah lo dai tein Thlacam khawh a si. Hannahnih fa hrin a duh tuk caah Biakinn ah kal in a thinlung dih lak in thla a cam tikah a aw a chuah lo, a hmur lawng lawng a phul i, Eli nih zuurii ah a rel. Ka thinlung le tuarnak Bawipa hmai ah țhum in ka vansan nak vialte ka bungh dih tiah a ti(c.15). Pathian nih Hannah daitein thla a cam nak cu a theih piak i fapa thlawchuah a pek (c.20).
Pathian cu thinlung zoh tu a si (jer.17:10). Anihnih cun kan aw chuah loin thla kan cam zongah a kan ngaihpiak ko (Matt. 6:8, 32). A ho hmanh nih kan aw thei lo hmanh hna sehlaw, Pathian nih a theih ko. Jennifer Benson Schult
