Zumnak cu zalennak nih hniksak
Galati 5:13 "Ka u le ka nau hna, nannih
cu luat dingin kawhmi nan si. Asinain cu luatnak cu nan pumsa duhnak ca i caan țha men ah khan hmang hlah u. Pakhat le pakhat kha dawtnak in nan rian tu i bawm u."
Russia ram ah Pathian Bia ruangah an tlaih mi Pavel Poloz nih Russia in a chuah hnu kum 1987 ah a chim mi cu; "Russia ram ah cun Zumtu pawl cu harsat nak in hniksak an si, America ahcun zumhnak hi zalennak in hniksak a si" a ti. Cucu a dik tuk mi a si. Hlan lio zumtu pawl kan zoh tikah harsat nak a tam deuh le an zumhnak a cak deuh i zumtu zong an karh deuhdeuh. Zumhnak i kan unau tampi cu biaknak dang a tam deuh nak ram i an um ruangah vuakvelh nak le harsat nak phunphun an tong. Asinain an zumhnak cu an thlah lo i Pathian hrangah zumhtlak tein an nunnak tiang pek in an um. Kan nih Laimi zumtu pawl zumhnak ruangah harsatnak a tong hi kan um tuk lo, biak nak lei ahhin cun kan zumhnak hrawk ding tiangin cun harsatnak hi kan tonglo a tam deuh nihhin cun kan Laitlang le Kawlrawn zongahhin a um lem lo. Ram dang kan umnak zongah kan tong lem lo. Asinain zalennak hi hniksaknak phunlhat a si. Hlan lio zumtu nun kan zoh tik ah harsat nak a tam poah le zumtu an karh deuhdeuh, an cak deuhdeuh. Zalennak a um poah le daithlannak, hnutawlh nak, zumnak zei rel lo nak a tam deuhdeuh. Kan zalennak hi zumhnak zei rello nak le daithlan nak le hnutawlh nak ah hmang hlah usih. Khristian Nun Vitamin by Joel Lalcumgmang
Galati 5:13 "Ka u le ka nau hna, nannih
cu luat dingin kawhmi nan si. Asinain cu luatnak cu nan pumsa duhnak ca i caan țha men ah khan hmang hlah u. Pakhat le pakhat kha dawtnak in nan rian tu i bawm u."
Russia ram ah Pathian Bia ruangah an tlaih mi Pavel Poloz nih Russia in a chuah hnu kum 1987 ah a chim mi cu; "Russia ram ah cun Zumtu pawl cu harsat nak in hniksak an si, America ahcun zumhnak hi zalennak in hniksak a si" a ti. Cucu a dik tuk mi a si. Hlan lio zumtu pawl kan zoh tikah harsat nak a tam deuh le an zumhnak a cak deuh i zumtu zong an karh deuhdeuh. Zumhnak i kan unau tampi cu biaknak dang a tam deuh nak ram i an um ruangah vuakvelh nak le harsat nak phunphun an tong. Asinain an zumhnak cu an thlah lo i Pathian hrangah zumhtlak tein an nunnak tiang pek in an um. Kan nih Laimi zumtu pawl zumhnak ruangah harsatnak a tong hi kan um tuk lo, biak nak lei ahhin cun kan zumhnak hrawk ding tiangin cun harsatnak hi kan tonglo a tam deuh nihhin cun kan Laitlang le Kawlrawn zongahhin a um lem lo. Ram dang kan umnak zongah kan tong lem lo. Asinain zalennak hi hniksaknak phunlhat a si. Hlan lio zumtu nun kan zoh tik ah harsat nak a tam poah le zumtu an karh deuhdeuh, an cak deuhdeuh. Zalennak a um poah le daithlannak, hnutawlh nak, zumnak zei rel lo nak a tam deuhdeuh. Kan zalennak hi zumhnak zei rello nak le daithlan nak le hnutawlh nak ah hmang hlah usih. Khristian Nun Vitamin by Joel Lalcumgmang
