Thlarau lei Teh zuamnak
Phung lam ning tein Thlarau lei teh zuamnak ah kan i zuam ahcun lawmman lak sawng nih a kan hngah ko. Paul nih 1 Korin 9:24 ah "Tlik zuamnak ah an dihlak in tlik cu an i zuam nain laksawng a hmumi cu pakhat lawng a si ti kha nan hngalh. Cucaah laksawng hmu ding tein tli u"tiah akan forh. Filipi 3:14 Cucaah kawltung leiah cun laksawng hmuh awkah khan ka tli i cu laksawng cu Pathian nih Khrih Jesuh thawngin cunglei nunnak i a kan kawh hi a si. Laksawng hmu tlak in kan tek maw?
Pathian nih zulh awk phunglam kan caah a nei, cu hna pawl cu zul hna seh ti a kan duh. Kan zulh lo ahcun kan tlung lai lo, cucaah Teh zuam nak ah a dih tiang tek ve ko nain lawmman laksawng a hmu ve lo mi zum tu kan si kho.
Nifatin kan nun hi nun sawhsawh a si lo, vuleicung phungin tuanbia kan țial a si i, Thlarau lei ah Teh zuamnak a si. Cucaah cun zumtu kan nitin nun hi a bia pi tuk. Tuanbia țha kan țial khawh nak hnga, le Thlarau lei Teh zuamnak ah lawmman laksawng kan hmuh nak hnga, tuan bia țial ca hnah bantuk le, Teh zuamnak certual bantuk a si mi nifatin kan nunning hi zoh țhan in remh hna cang hna usih, lawmman laksawng hmu tlak in kan tek maw?
Pathian nawlpek zultu lawng nih cu lawmman laksawng cu an hmuh lai, bia ngaihlo nak nih cun thilțha lo a hrin rawn, asinain zumh tlak sinak le bia ngaihnak nih cun thlawchuah tampi a hrin.
