Bible cu Pathian Bia a si

Bible cu Pathian Bia a si

Bible hi Pathian bia a si ti khawhnak ah mitampi nih an ti duh lo. Bible ahhin Pathian bia a um i minung biachim mi zong a um ve an ti. Asinain amah Bible nih Pathian bia a si zia a langhter mi hi an zum kho lo.

Minung nih Bible hi an  tial ko nain, Bible cathianghlim dih lak hi Pathian bia an si dih. Hi kong ah mi tampi nih cun Bible ah Pathian bai ai tel an ti. Asinain Bible ah voi 2000 leng hi “Pathian bia asi” tinak a lang. “Pathian nih A chim” tiin voi 3800 leng a lang (Ex. 14:1; 20:1; Lev. 4:1; Deut. 4:2; 32:48; Isai. 1:10, 224; Jer. 1:11; Ezk. 1:3; etc..).

Pathian nih Van le vawlei sersiam awk ah timhlamhnak a ngei ko, sihmanhsehlaw um seh tiin a chim hlan ah zeihmanh an um lo. Pathian bia cu Aduhmi, duh ning (will) langhternak asi. Pathian nih van le vawlei hi a bia in a ser hna(Salm 33:6). Ceu umseh a ti bak in a um colh (Gen. 1:20). Pathian Bia lo in sersiam mi zeihmanh a um lo, hmalei zong ah a um lai lo.

Pathian bia cu minung sin ah bia chimtu a si. Joshua sin ah bia a chim (Josh. 3:7). Isaiah sin ah (Isa. 38:5-6). Pathian nih pumpak sin ah bia a chim tikah fiang huaha loin a chim lo, fiang tein a chim. Adam hnar ah Pathian nih thaw a pek. Nunnak thaw cu Pathian sin in a rak chuak mi a si i, minung hmasabik Adam hnar ah nunnak thaw a pek. Cun bantuk in Bible hi Pathian nih a thaw in a ttial mi a si. Bible Pathian bia cu Pathian thawchuahhnawhmi a si.

Pathian bia cu Jesuh Khrih a si (John 1:1-4). Pathian nih bia cu Minung caah a ttha. Kan herh mi dihlah hi

 A bia in tuahmi lawngte an si dih hna. Pathian Bia cu minung nih ttialmi cauk he ai khat lo. Cucaah Jesuh Khrih ah zumhnak dik a ngei lo mi hna nih cun an theithiam lo (1 Cor. 3:1-3). Pathian Bia cu a min men khrihfa a si mi zong nih an theithiam kho lo (1 Cor. 3:1-3).

Bible ah Pathian Bia aum ti tu pawl bantuk in nihin zumtu ai timi hna nih Bible hi kan nunpi lo. Bible hi Pathian Bia lawng a si (2 Peter 1:21).